UBUHUNZI: U Rwanda rwinjije miliyari 13.8 Frw mu minsi 4 gusa binyuze mu bicuruzwa byoherejwe mu mahanga

Ikigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi (NAEB), cyatangaje ko hagati ya tariki 30 Werurwe n’iya 2 Mata 2026, u Rwanda rwinjije amadovize angana na miliyari 13.8 Frw.

Uyu musaruro ukomoka ku bicuruzwa bitandukanye byoherejwe mu bice byose by’isi, ukaba ari ikimenyetso cy’uko ibikorerwa mu Rwanda (Made in Rwanda) bikomeje gukundwa cyane mu bihugu nka Leta Zunze Ubumwe za Amerika, u Bwongereza, u Bufaransa, n'ibihugu byo muri Afurika nka Nigeria.

Ibyinjije amafaranga menshi kurusha ibindi: 

Muri toni 9,426 zoherejwe mu mahanga, dore uko imibare ihagaze:

• Ibinyabijumba n'ibinyampeke: Byihariye umubare ukomeye kuko byinjije miliyari 6.7 Frw (toni 7,396).

• Icyayi: Cyinjije miliyari 3 Frw (toni 774).

• Ikawa: Cyinjije miliyari 2.2 Frw (toni 307).

• Imboga n'Imbuto: Byinjije hamwe arenga miliyari 1.1 Frw.

• Indabo: Toni 16 gusa zashoboye kwinjiza miliyoni 127 Frw.

Isesengura rya Inganjinews 

Iyi mibare irerekana ko isoko ry’u Rwanda ritacyishingikiriza ku cyayi n’ikawa gusa (Traditional exports), ahubwo n’ibinyampeke n’imboga (Non-traditional exports) byatangiye kwinjiza amafaranga menshi cyane. Ni ngombwa gushishikariza urubyiruko gushora imari mu buhinzi bw’umwuga kuko bufite isoko rinini cyane mu mahanga muri uyu mwaka wa 2026.

Isoko ry'ibicuruzwa byacu: Umusaruro w’u Rwanda wageze mu bihugu bikomeye nka:

• Uburayi: u Bwongereza, u Buholandi, u Bufaransa, Norvege, n'u Budage.

• Afurika: Nigeria n'ibindi bihugu byo mu karere.

• Amerika n'Aziya: USA na Bangladesh.

SOMA: RURA IRABURIRA: Abatumbagiza ibiciro by’ingendo mu buryo bunyuranyije n’amategeko bagiye guhanwa