Washington vs Beijing: Vuruguvurgu mu ntambara y’ubukungu n’ikoranabuhanga rigezweho

 

Mu gihe isi itumbiriye amakimbirane ya gisirikare, hari urundi rugamba rukomeye ruri kubera mu mibare n’inganda hagati ya Leta Zunze Ubumwe za Amerika n’ubushinwa. 

Ibi bihugu byombi byihariye hafi 43% by’umusaruro mbumbe w’isi (GDP), aho Amerika ikiyoboye n’ubukungu burenga miliyari ibihumbi 30 z’amadolari, mu gihe u Bushinwa buri hafi miliyari ibihumbi 20.

Ubushinwa n’imbaraga mu bucuruzi n’inganda 

Mu rwego rw’ubucuruzi, u Bushinwa bukomeje kwerekana imbaraga zidasanzwe:

• Ikinyuranyo cy'ubucuruzi: Mu 2025, u Bushinwa bwohereje muri Amerika ibicuruzwa bya miliyari $430, mu gihe Amerika yoherejeyo ibya miliyari $170 gusa.

• Inganda n'Ikoranabuhanga: Beijing yashoye imari nyinshi mu bwenge buhangano (AI), 5G, n’imodoka z’amashanyarazi, ubu akaba ari bwo bukora imodoka nyinshi z’amashanyarazi ku isi.

• Ibyambu: Bufite ibyambu birindwi mu 10 bikomeye ku isi, n'ibigo nka Huawei na BYD bikomeje guhangana n'iby'Abanyamerika.

Amerika n’intwaro y’Idorari n’Ikoranabuhanga rishya 

N’ubwo u Bushinwa buzamuka mu gukora ibintu byinshi, Amerika iracyagumanye ijambo rikomeye mu nzego z’ingenzi:

• Idorari: Hafi 58% by’ubwizigame mu mabanki ku isi bibikwa mu madorari, ari na yo akoreshwa mu bucuruzi bw’indege n’ibitoro. Ibi biha Washington ubushobozi bwo gufatira ibihano igihugu icyo ari cyo cyose.

• Ibigo bikomeye: Apple, Microsoft, na NVIDIA biyoboye isi mu bushakashatsi no gukora "chips" z’ikoranabuhanga rigezweho. Agakuru kuri NVIDIA yonyine, agaciro kayo mu masoko kanyuze GDP y’ibihugu byinshi ku isi.

Ese imisoro ya Trump yagize umusaruro? 

Imisoro ihanitse Donald Trump yashyize ku Bushinwa yari igamije kugarura inganda muri Amerika, ariko imyaka ishize yerekanye ko ibicuruzwa byinshi bigiturutse mu Bushinwa. 

Ibigo bimwe byahisemo kwimukira muri Vietnam cyangwa Mexico aho gusubira muri Amerika, mu gihe abaguzi b'Abanyamerika bahuye n'izamuka ry'ibiciro.

Abasesenguzi bemeza ko n’ubwo u Bushinwa bushobora kuzaba ubukungu bwa mbere mu myaka iri imbere, Amerika izakomeza kugira ijambo rikomeye binyuze mu mutekano, ikoranabuhanga rirushijeho gusubira inyuma, n’imbaraga z’idorari.