VAR Yamaganwe: Amakipe yo mu Cyiciro cya Kabiri mu Bwongereza yanze ikoranabuhanga rya VAR

Mu gihe umupira w’amaguru mu bihugu nka Espagne n’u Budage wamaze kuyoboka ikoranabuhanga rya Video Assistant Referee (VAR) mu byiciro bya kabiri, amakipe akina Championship mu Bwongereza yo yateye utwatsi ubu buryo kuva mu mwaka w’imikino utaha.

Kuki amakipe yanze VAR?

Nubwo abatoza benshi nka Philippe Clement (Norwich) na Gerhard Struber (Bristol City) bagaragaje ko bakenera VAR kugira ngo hafatwe ibyemezo bitabera, abayobozi b’amakipe bo bafite impungenge zishingiye ku bintu bibiri by’ingenzi:

1. Igiciro cyo kurikoresha: Gushyiraho VAR bisaba ubushobozi buhambaye mu mafaranga n’ibikoresho.

2. Uburyohe bw'umupira: Abafana benshi batinya ko VAR itinda gufata ibyemezo, bigatuma umupira utakaza umuvuduko n’ibyishimo bya nyabyo.

Irihe koranabuhanga rizahaguma? 

EFL yemeje ko n’ubwo VAR itazakoreshwa, ikoranabuhanga rimenya niba umupira warenze umurongo (Goal Line Technology) ryo rizakomeza. Ikindi gishobora kwifashishwa ni uburyo bwa Football Video Support (FVS), butandukanye na VAR kuko buha umutoza uburenganzira bwo gusaba isuzuma ry'ashusho (challenge) inshuro ebyiri gusa ku mukino.

Ese ubona Championship ifashe icyemezo gikwiye cyo kurengera umwimerere w’umupira, cyangwa kwanga VAR ni ugusigara inyuma mu ikoranabuhanga rigezweho?

 Cristiano Ronaldo ashobora gukinana n’umuhungu we: amateka mashya ashobora kwandikwa mu mupira w’amaguru