Inkuru y'Incamugongo i Stamford Bridge: Chelsea yirukanye umutoza Liam Rosenior nyuma y'iminsi 120 gusa!

Ikipe ya Chelsea FC yashyize iherezo ku masezerano y’umutoza Liam Rosenior, wari umaze amezi ane gusa ayiyobora. Ni icyemezo kije nyuma y’umusaruro muke n’agahigo kabi iyi kipe yaherukaga mu myaka isaga ijana ishize.

Umusaruro w’amezi ane mu mibare 

Rosenior yari yahawe inshingano muri Mutarama 2026 asinya amasezerano y’imyaka itanu n’igice, ariko urugendo rwe rwaranzwe n'ibibazo:

• Imikino: 23

• Intsinzi: 11 gusa

• Umuvuduko muke: Chelsea yatsinzwe imikino 5 yikurikiranya muri Premier League itinjije n'igitego na kimwe, agahigo kabi iheruka mu mwaka wa 1912.

Umukino wa nyuma w’agahinda 

Gutsindwa na Brighton & Hove Albion ibitego 3-0 nibyo byabaye imbarutso yo kumwirukana. Rosenior ubwe yemeye ko imyitwarire y'ikipe "idashobora kwihanganirwa". Ibi byatumye Chelsea imanuka ku mwanya wa 7, bishyira mu kaga intego yo gukina UEFA Champions League umwaka utaha.

Ni nde ugiye gufata inshingano? 

Ubuyobozi bw’iyi kipe bwemeje ko Calum McFarlane (wari umwungirije) ari we utangira gutoza by’agateganyo. Ikizamini cya mbere kimutegereje ni kuri iki Cyumweru, aho Chelsea izahura na Leeds United ku kibuga cya Wembley, mu mukino wa 1/2 cy'igikombe cya FA Cup.

Ese ubona Chelsea kwirukana abatoza bya hato na hato ari cyo gisubizo ku bibazo byayo, cyangwa ikibazo kiri mu bakinnyi no mu buyobozi bukuru?

 Cristiano Ronaldo ashobora gukinana n’umuhungu we: amateka mashya ashobora kwandikwa mu mupira w’amaguru