INAMA Y’ABAMINISITIRI: Dore imyanzuro ikomeye yafatiwe mu Rugwiro kuri uyu wa Kane

Minisitiri Wungirije w’Inganda n’Ubwubatsi muri Kazakhstan, Iran Sharkhan, yatangaje ko inzobere z’icyo gihugu zatangiye gupima impagararizi (ingero/sample) z’amabuye y’agaciro yiboneka gake ku isi (Rare Earth Metals) yakuwe mu Rwanda, hagamijwe gutangira umushinga mugari w’ubucukuzi.

Ibi yabigarutseho kuri uyu wa Gatanu, tariki ya 3 Mata 2026, mu nama mpuzamahanga yiga ku bucukuzi muri Aziya (Central Asia 2026 forum). Ikigo cya Leta ya Kazakhstan, Tau-Ken Samruk, ni cyo kiri gusuzuma aya mabuye mu ma laboratwari y’i Karaganda kugira ngo harebwe ingano n’ubuziranenge bwayo.

‘Rare Earth Metals’ ni amabuye ki?

Aya mabuye ntabwo ari amabuye asanzwe nk’izahabu cyangwa gasegereti. Ni icyiciro cy’amabuye 17 (nk’ayitwa Neodymium, Cerium, na Lanthanum) akoreshwa mu gukora ibintu by’ikoranabuhanga rigezweho birimo:

• Imodoka zikoresha amashanyarazi (Electric Vehicles)

• Telefone zigezweho (Smartphones)

• Ibicuruzwa by’igisirikare n’ingufu z’imiyaga (Wind Turbines)

Amasano hagati y’u Rwanda na Kazakhstan

Ubu bufatanye bushingiye ku masezerano y’amateka yasinywe muri Gicurasi 2025 ubwo Perezida Paul Kagame yagiriraga uruzinduko muri Kazakhstan. Ayo masezerano yashyizeho ubufatanye hagati y’Ikigo cy’u Rwanda Gishinzwe Mine, Peteroli na Gaz (RMB) n’ikigo Samruk Kazyna.

Aya mabuye aboneka he mu Rwanda?

Ubushakashatsi bwagaragaje ko aya mabuye yimboneka gake yiganje mu bice by’Intara y’Amajyepfo n’Iburengerazuba, harimo:

• Nyamagabe: Agace ka Rukarara na Musebeya.

• Nyaruguru: Agace ka Nshili n’ahitwa ku Rutare rwa Munanira.

• Karongi na Nyamasheke: Mu bice bya Musebeya bihana imbibi n’izi turere.

Igihe cy’itangazwa ry’ibyapimwe

Minisitiri Iran Sharkhan yavuze ko amakuru arambuye ku masezerano yo gucukura aya mabuye azatangazwa nyuma y’uko ibizamini bya laboratwari birangira, ndetse no gusuzuma amategeko agenga ubucukuzi ku mpande zombi.

Soma: 

INAMA Y’ABAMINISITIRI: Dore imyanzuro ikomeye yafatiwe mu Rugwiro kuri uyu wa Kane