INAMA Y’ABAMINISITIRI: Dore imyanzuro ikomeye yafatiwe mu Rugwiro kuri uyu wa Kane

Kuri uyu wa Kane, tariki ya 2 Mata 2026, muri Village Urugwiro hateraniye Inama y’Abaminisitiri iyobowe na Nyakubahwa Perezida wa Repubulika, Paul Kagame. Inama yafatiwemo ibyemezo bikomeye birimo imyiteguro yo Kwibuka ku nshuro ya 32, ingamba ku bukungu, n’izindi politiki z’ishoramari.

Dore mu ncamake iby’ingenzi byayigaragayemo:

1. Imyiteguro yo Kwibuka ku nshuro ya 32

Inama y’Abaminisitiri yagejejweho imyiteguro yo Kwibuka Jenoside yakorewe Abatutsi mu 1994. Icyumweru cy’icyunamo giteganyijwe kuva ku itariki ya 7 kugeza ku ya 13 Mata 2026.

• Ubutumwa: Abanyarwanda bose barakangurirwa kwamagana ingengabitekerezo ya Jenoside no gutahiriza umugozi umwe mu gusigasira ubumwe n’ubwiyunge.

2. Ubukungu n’ingaruka z’intambara mu Barabu

Leta yagaragaje ko ikomeje gukurikiranira hafi ingaruka z’ibibazo byo mu Burasirazuba bwo Hagati ku biciro by’ingufu n’ibicuruzwa by’ibanze. Hashimangiwe ingamba zo kugabanya izamuka rikabije ry’ibiciro kugira ngo ubukungu bw’igihugu butazahazwa n’izi ntambara.

3. Ibyemezo ku mishinga n’ishoramari

Inama yemeje amasezerano n'imishinga y'amategeko y'ingenzi:

• Ingufu: Amasezerano na G2P Energy Limited yo kubyaza gazi metane amashanyarazi.

• Itumanaho: Ishoramari rya Teleperformance Rwanda Limited.

• Imikino: Amasezerano na Moja Rwanda Limited ku mikorere ya tombola y’Igihugu.

• Inguzanyo: Kwemeza inguzanyo zigenewe urwego rw’ingufu n’iterambere ry’imirimo iciriritse.

4. Impinduka mu buyobozi (Appointments)

Abayobozi bashya bashyizwe mu myanya mu nzego zinyuranye:

• RCI: Bwana Niwenshuti Richard (Umuyobozi Mukuru).

• RDB: Bwana Nsengiyumva Joseph Cedrick (Chief Corporate Affairs Officer).

• Urwego rw'Umuvunyi: Madamu Mbabazi Judith (Umuvunyi Wungirije).

• RCS: CP Badege Theos (Komiseri Mukuru Wungirije).

• NPPA: Bwana Habimana Donath (Umushinjacyaha ku rwego rw'Igihugu).

5. Inama mpuzamahanga zitegerejwe i Kigali

Muri Gicurasi 2026, Kigali izakira inama zikomeye:

• Africa CEO Forum: (14-15 Gicurasi) ihuza abashoramari n’abayobozi b’ibigo.

• Nikeleyeri muri Afurika: (18-21 Gicurasi) inama yiga ku mikoreshereze y’ingufu za Nikeleyeri.