Rwanda Junior Open 2026: Oliver Hancin na Alexandra Talina begukanye icyumweru cya mbere i Kigali

Icyumweru cya mbere cy’irushanwa mpuzamahanga rya Tennis ry’abato rizwi nka "Rwanda Junior Open 2026" ryasojwe kuri uyu wa Gatandatu i Kigali, ryegukanwa n’Umunya-Australia Oliver Hancin mu bahungu n’Umurusiyakazi Alexandra Talina mu bakobwa.

Imikino y’ishiraniro kuri IPRC Kigali 

Iri rushanwa riri ku rwego rwa ITF Grade 4, ryitabiriwe n’abakinnyi barenga 80 baturutse mu bihugu 22.

• Mu bakobwa: Alexandra Talina yerekanye ko ari mu bihe byiza atsinda Umutaliyanikazi Ilaria Ughi amaseti 2-0 (6-2, 6-3).

• Mu bahungu: Oliver Hancin yegukanye igikombe nyuma y'uko Umunyamerika Eaden-Zack Harron (wari wegukanye irushanwa ryo mu 2025) agize imvune itumye adakomeza umukino, nubwo yari yatsinze iseti ya mbere kuri 7-6.

Abanyarwanda baracyashakisha umuvuduko 

Nubwo u Rwanda rwari ruhagarariwe n’abahungu 6 n’abakobwa 3, barimo Niyibizi Jedekia na Ineza Thierrine, bose ntibabashije kugera kure mu cyumweru cya mbere. Icyakora, amahirwe aracyari yose mu cyumweru cya kabiri cy’irushanwa kizasozwa tariki ya 2 Gicurasi 2026.

 Rutsiro: Abakozi birukanwe mu buryo bunyuranyije n’amategeko basubijwe mu kazi nyuma y’imyaka itatu