Damson Idris: Uburyo ubuhanga bwa Lionel Messi bwamunaniye akisubirira muri Sinema

 

Umukinnyi wa filime ukomeye muri Hollywood, Damson Idris, yahishuye ko inzozi ze zo kuba umukinnyi w’umupira w’amaguru zishobora kuba zarakomwe mu nkokora n’ubuhanga burenze urugero bwa Lionel Messi.

"Namurebye akina, mpita nsezera kuri ruhago" 

Damson, ubu ufite imyaka 34, yavuze ko kugeza ku myaka 18 yakinaga umupira afite intego yo kuwugira umwuga. Icyakora, ngo kureba Lionel Messi (icyo gihe wari ufite imyaka 23) byamweretse ko hari intera ndende cyane atazigera ageraho.

"Naravuze nti ‘ndabona ntashobora gukina nka we’. Ni gutyo Lionel Messi yabaye impamvu yo gusezera kuri ruhago kwanjye." — Damson Idris.

Kuva muri ruhago ujya muri Sinema na Formula 1 

Nubwo yaretse umupira, Damson Idris ntiyicaye ubusa kuko yinjiye mu gukina filime aho amaze kuba icyamamare. Azwi cyane muri filime "F1: The Movie" yasohotse mu 2025, ndetse ubu ni na we Ambassador wa Formula 1 ku isi yose.

Icyakora, uyu munyarwenya ukomoka kuri ba nyabyeyi b'Abanya-Nigeria azasubira mu kibuga vuba aha mu mukino wa gicuti wa Soccer Aid uteganyijwe ku wa 31 Gicurasi 2026.