Bugesera: Umugore yafashwe amaze kumena amavuta yatuye ku mugabo we no kumutera icyuma amuziza gufuha

 

Inzego z’umutekano mu Murenge wa Ntarama, Akarere ka Bugesera, zataye muri yombi umugore ukurikiranyweho kugirira nabi umugabo we mu buryo bukabije. 

Ibi byabaye mu ijoro ryo ku wa Gatandatu rishyira ku Cyumweru, tariki ya 26 Mata 2026, mu Kagari ka Kanzenze.

Amavuta yatuye n’icyuma mu rugo 

Amakuru yatanzwe n’Umuyobozi w’Umurenge wa Ntarama (Gitifu), Rwasa Patrick, avuga ko uyu mugore yagize umujinya ukabije amaze kubona umugabo we mu kabari ari gusangira n’undi mugore. 

Aho kugira ngo aganire na we cyangwa yitabaze ubuyobozi, uyu mugore yarashatse arataha, ateka amavuta yitegura umugabo we. 

Umugabo akigera mu rugo, umugore yamumennyeho ayo mavuta ashyushye mu mugongo no mu bitugu, arangije amutera n'icyuma.

Inama z’ubuyobozi n’ubuzima bw’uwahohotewe 

Gitifu Rwasa yasabye abaturage kwirinda kwihanira, kuko bishobora gusenya imiryango no gufunga ababyeyi mu gihe hakabaye hashakwa umuti binyuze mu biganiro cyangwa mu buyobozi. 

Kugeza ubu, uyu mugabo arwariye mu Bitaro bya Nyamata aho ari kwitabwaho n'abaganga, naho umugore akaba afungiye kuri Sitasiyo ya RIB.

 Rutsiro: Abakozi birukanwe mu buryo bunyuranyije n’amategeko basubijwe mu kazi nyuma y’imyaka itatu