Inkurikizi z'Ubusambanyi: I Karongi, umugabo yatawe muri yombi akekwaho kwica uwo yasanganye n'umugore we mu bishyimbo

 

Mu Karere ka Karongi, mu Murenge wa Rubengera, hagaragaye inkuru y'incamugongo aho uruhererekane rw'ibikorwa by'ubusambanyi rwarangiriye mu maraso. Umugabo umwe yatawe muri yombi nyuma y'uko mugenzi we w'imyaka 29 yishwe akubiswe ikintu gityaye ku mutwe.

Uko byagenze 

Ibi byago byatangiye mu ijoro ryo ku wa 20 Mata 2026, mu Kagari ka Gisanze. Amakuru avuga ko nyakwigendera yari wiriwe asangira n’umugore wa mugenzi we mu kabari. Ubwo bageraga mu rugo, aho kunyura mu nzira isanzwe, bivugwa ko binjiye mu murima w'ibishyimbo uri hafi aho ngo basambane, ari naho uyu mugabo yaje kubafatira maze akubita mugenziwe.

Ubutabazi bwaje nyuma 

Nyakwigendera yasanzwe ku nzira ari intere mu ma saa yine z'ijoro, ajyanwa igitaraganya ku Kigo Nderabuzima cya Rubengera, hanyuma yoherezwa ku Bitaro bya Kibuye ari naho yaje gushiriramo umwuka mu gitondo cyo kuri uyu wa 21 Mata.

Ibyemezo by'Ubuyobozi 

Umunyamabanga Nshingwabikorwa w’Umurenge wa Rubengera, Ayabagabo Faustin, yemeje ko hari abantu bamaze gutabwa muri yombi, barimo uyu mugabo ushinjwa kwihōrera n'umugore we bari bafitanye abana babiri kandi basezeranye mu mategeko.

Ese ubona ari irihe somo ryashyirwa mu gukemura ibibazo by'ubushoreke mu ngo bishingiye ku mategeko, aho kwishora mu bikorwa by'ubugome nka bariya?

 Bye Bye Gasoli: Leta y’u Rwanda yategetse ko 30% by’imodoka nshya zigurwa zigomba kuba iz’amashanyarazi