"No More Mr. Nice Guy": Donald Trump yatanze gasopo ikaze kuri Iran, ateganya ibiganiro muri Pakistan nubwo Iran itarabyemera

Perezida wa Leta Zunze Ubumwe za Amerika, Donald Trump, binyuze ku rubuga rwe rwa Truth Social kuri uyu wa 19 Mata 2026, yashyize hanze ubutumwa bukaze nyuma y’aho Iran igerageje kurasa mu muhora wa Hormuz (Strait of Hormuz), igikorwa yise "kunyuranya gukomeye n'amasezerano yo guhagarika imirwano."

Ibiganiro muri Pakistan: Intambwe nshya cyangwa igitutu? 

Trump yatangaje ko intumwa ze zerekeza i Islamabad muri Pakistan ku mugoroba wo ku wa Mbere, tariki ya 20 Mata 2026, hagamijwe ibiganiro by’amasezerano (DEAL). Icyakora, ikibazo gihari ni uko kugeza ubu Iran itaratangaza niba izitabira ibyo biganiro, ibintu bishobora gutuma Amerika ibona impamvu yo gukaza umurego.

Ingaruka zikomeye mu gihe "Deal" yaba yanze 

Mu rurimi rukaze cyane, Trump yagaragaje ko Amerika itazihanganira na busa umugambi wa Iran wo gufunga inzira y'amazi ya Hormuz. Yatanze gasopo iteye ubwoba agira ati:

• "Niba batemeye aya masezerano, Leta Zunze Ubumwe za Amerika zigiye gusenya (knock out) buri ruganda rw'amashanyarazi na buri kiraro mu gihugu cya Iran."

• Yongeyeho ko igihe cyo "kwihangana" (Mr. Nice Guy) kirangiye, ashimangira ko icyo abandi baperezida bananiwe gukora mu myaka 47 ishize agiye kugikora.

Ubukungu n'ibihano 

Trump yagaragaje ko Amerika ntacyo ihombye mu gihe inzira ya Hormuz yaba ifunze, kuko ibatira amato yayo yo muri Texas, Louisiana, na Alaska gutwara ibikomoka kuri peteroli. Yavuze ko Iran ari yo iri guhomba asaga miliyoni 500 z'amadolari ku munsi kubera ubu buryo bwo kwifungirana.

Ese ubona Pakistan ishobora kuba umuhuza ukwiriye hagati ya Trump na Iran, cyangwa iyi gasopo y’intambara ishobora gutuma Iran ishikama kurushaho?