Inkundura muri Serivisi: RURA yahamagaje Canalbox bitewe n’abafatabuguzi binubira umuvuduko muke wa Internet

Urwego Ngenzuramikorere mu Rwanda (RURA) rwatangaje ko rwamaze guhamagaza ikigo cya Canalbox kugira ngo gitange ibisobanuro bishingiye ku bibazo by’imitangire ya serivisi bimaze iminsi bigaragara, cyanecyane mu bijyanye n’imikorere  ya internet idahagije.

Kurengera Umuguzi  

Hashize igihe abakoresha internet ya Canalbox binubira ko igenda gake, by’umwihariko abakora imirimo isaba internet nyinshi nko kohereza amadosiye manini, gukora inama kuri video (Zoom/Teams), cyangwa kureba amashusho ya HD.

Mu itangazo ryo ku wa 21 Mata 2026, RURA yashimangiye ko idashobora kwihanganira imitangire ya serivisi itubahiriza ibipimo byashyizweho. Canalbox isabwe kugaragaza ingamba zifatika kandi zihuse zigamije gukemura ibi bibazo byabangamiye abafatabuguzi.

Ibihano bikaze bitegereje Canalbox 

Itegeko ryerekeye itumanaho mu Rwanda riteganya ibihano bikomeye ku kigo kidatanga serivisi inoze nyuma yo kwihanangirizwa:

• Ihazabu: Guhera ku bihumbi 500 Frw kugeza kuri Miliyoni 15 Frw kuri buri munsi icyo kigo kitubahirije ibyo gisabwa.

• Guhagarika Uruhushya: RURA ifite ububasha bwo guhagarika uruhushya rwo gutanga serivisi mu gihe runaka cyangwa kurusesa burundu mu gihe amakosa akomeje kwisubiramo.

RURA yasabye abaturage gukomeza gutanga amakuru igihe cyose bahuye na serivisi zitanoze kugira ngo hashyirwe imbaraga mu gukurikirana abanyamigabane mu itumanaho.

Ese wowe nk’umukoresha wa internet, ubona ibi bihano bishyirwaho na RURA bihagije kugira ngo ibigo by’itumanaho birusheho kwita ku bakiliya babyo?

 Urubanza rwa Ishimwe Odile: RIB yinjiye mu iperereza ry’umuforomo ukekwaho guhohotera umurwayi mu cyumba cy’indembe (ICU)