IKORANABUHANGA: Google Chrome yashyizeho uburyo bwo gusoma utarangazwa n’amatangazo

 

Ikigo cya Google cyamaze gushyira hanze impinduka zikomeye kuri porogaramu ya Chrome, zigamije gufasha abakoresha mudasobwa gukora mu buryo bwunguka (productivity) n'isuku ku mbuga basura.

Imwe mu mpinduka nshya kandi ikomeye ni iyitwa "Vertical Tabs". Ubu buryo bukwemerera gushyira amapaji yawe ku murongo uhagaze (ku ruhande rw’ibumoso cyangwa iburyo) aho kuba ku murongo utambitse hejuru nk’uko byahoze. Ibi bituma ubasha gusoma amazina y’imbuga wafunguye neza, ndetse bigafungura umwanya uhagije wo kureba ibikubiye mu rubuga ruri imbere yawe.

Zimwe mu zindi mpinduka nshya muri Chrome uyu munsi:

• Full-Page Reading Mode: Ubu buryo bugufasha gusoma inyandiko igakwira screen yose, bugahisha amatangazo yamamaza (ads) n’ibindi bintu bishobora kukurangaza mu gihe uri gusoma inyandiko ndende.

• Split View Mode: Ushobora kugabanyamo ‘window’ yawe kabiri, ukaba wasura imbuga ebyiri icyarimwe kuri screen imwe bitabaye ngombwa ko ufungura window ebyiri zitandukanye.

• Ikoranabuhanga rya AI: Chrome ubu imaze guhuzwa n’ubwenge buhangano (AI) bugufasha gushaka amakuru vuba cyangwa guhina inyandiko ndende (summarization).

Isesengura rya Inganjinews 

Izi mpinduka zije ari igisubizo ku bantu bakora akazi k’ubushakashatsi, itangazamakuru, n’uburezi. Muri uyu mwaka wa 2026, amakuru ari ku muvuduko mwinshi kandi amapaji menshi asurwa ashobora guteza icyitwa "Tab Fatigue". Ubu buryo bushya bwa Vertical Tabs butuma umuntu agira gahunda (organization) mu kazi ke.

SOMA: NETFLIX PLAYGROUND: Porogaramu nshya y’imikino y’abana bafite imyaka 8 no munsi