Weekend ya kanyamuneza: Zirara zishya mu ndirimbo nshya zasohotse mu Rwanda no hanze muri iki cyumweru

 

Nyuma y’icyumweru cy’akazi katoroshye n’imvune z’ubuzima, ubu twamaze kwinjira mu mpera z’icyumweru (Weekend) rwagati mu kwezi kwa Gicurasi 2026. 

Niba uri umukunzi w’umuziki utarabonye umwanya wo gukurikirana ibigezweho kubera guhuga, abahanzi nyarwanda n’abanyamahanga bakoze mu nganzo bokusanyirije indirimbo z’isandaru zigiye kugufasha kuruhuka neza.

Indirimbo nshya nyarwanda zasohotse:

• 'My Mind' – Utah Nice ft Chriss Eazy: Umukobwa uri kuzamuka neza mu muziki yafatanyije na Chriss Eazy. Mu buryo bw’amajwi (Audio) yafashijwemo na Element na Bob Pro, naho amashusho (Video) itunganywa na Cedric Dric n'umuvandimwe we Simbi Nailla.

• 'Gake gake' – Bwiza: Umwamikazi w'ijwi Bwiza yasohoye iyi ndirimbo yanditswe na Mico The Best, ikorwa na Loader mu majwi, naho amashusho akorwa na John Elarts.

• 'Question' – Ish Kevin Ft Kenny Sol: Nyuma y’ikidendezi cya 'Kibasumba', umwami w’Inyana (Drill) ntiyatanze agahenge, yahise azana indi nshya ifite umudiho ari kumwe na Kenny Sol.

• 'Fuego' – Riderman: Umwami w’ibisumizi arerekana ko atajya azima. Riderman yasohoye iyi ndirimbo mu gihe aherutse no gushyira akadomo ku makimbirane y’imyaka 18 yari afitanye na Neg G The General.

• Muri Hip Hop n’izindi: Papa Cyangwe yafanyije na Racine na Yampano mu ndirimbo 'Nibe nawe', RunUp azana 'Que paso', Li John atanga 'Unyiberamo', mu gihe Bulldogg na Angell Mutoni bakoze indirimbo y’ikipe ya RSSB Tigers iri gukina imikino ya nyuma ya BAL 2026. Jowest na we azanye 'Byarananiye'.

Iz’amahanga zigezweho kuri Spotify na Apple Music: 

Niba ushaka n'izi zunguruka ku Isi, haryoshye indirimbo nka 'Repeat It' ya Martin Garrix na Ed Sheeran, 'Chanel' ya Blaqbonez na Asake, 'Moses' ya Yo Maps na Harmonize, ndetse na 'I’m Ok' ya Pheelz afatanyije na Tiwa Savage.