Element EleéeH yegukanye igihembo cy’utunganya imiziki wahize abandi cya AFRIMA Awards

Element EleéeH yegukanye igihembo cy’utunganya imiziki wahize abandi (Producer of the Year) mu mwaka, muri AFRIMA Awards.

Ni ibihembo byatangiwe muri Nigeria mu ijoro ryo ku wa 11 Mutarama 2026. Byatangwaga ku nshuro ya cyenda.

Iki gihembo Element yegukanye agikesha indirimbo ye “Tombe” yanikoreye. Yahigitse abarimo Tempoe wakoze ‘With You’ ya Davido na Omah Lay, Hezer wakoze ‘Diplomatico’ ya El Grande Toto na Progrex wakoze Laho ya Shallipopi, bari bahanganye.

Element yatsinze kandi abarimo Davinci wakoze ‘Super Homem’ ya Liliany, Jazzworx wakoze ‘Bengicela’ ihuriwemo n’ibyamamare muri Afurika n’abandi banyuranye.

Element yitabiriye ibi birori atumiwe n’ubuyobozi bwa AFRIMA bwanamusabye ko aza kubiririmbamo. Yanataramye mu birori byo guha ikaze ababyitabiriye.

Element EleéeH ahatanye no mu gihembo cy’umuhanzi mwiza w’umugabo muri Afurika y’Uburasirazuba, igihembo ahanganiye n’abarimo na Bruce Melodie.

Aha na ho Element yaserukanye indirimbo ‘Tombe’ mu gihe Bruce Melodie we ahatanye binyuze mu ndirimbo ‘Beauty of Fire’ yakoranye na Joe Boy.

Uyu musore umaze kubaka izina mu gutunganya imiziki anahatanye mu kindi cyiciro cy’umwanditsi mwiza w’indirimbo yakesheje. N bawo yaserukanye indirimbo ’Tombe’.