Imirwano ikaze yongeye kubura mu gitondo ihanganishije M23 na FARDC mu ri Teritwari ya Lubero

Imirwano ikaze yongeye kubura mu gitondo cyo ku wa mbere tariki 01/07/2024 hagati y’ingabo za Congo zishyigikiwe n’imitwe yitwaje intwaro ndetse n’inyeshyamba za M23.

Ni imirwano yabereye ahazwi nko ku muhanda wa N2 uhuza Kaseghe-Rusorobya muri teritwari ya Lubero. Muri iyi mirwano hifashishijwe intwaro ziremereye n’izoroheje muri ako gace nk’uko kivu morning post yabitangaje.

Iyi mirwano ibaye nyuma y’uko M23 iherutse gufata santire ya Kanyabayonga nyuma y’ukwezi mu nkengero zaho habera imirwano yari iyihanganishije n’ingabo za Repubulika Iharanira Demokarasi ya Congo.

I Kanyabayonga M23 ifashe muri uyu mwaka kuko mu ntangiriro za Gicurasi 2024, abarwanyi ba M23 bafashe akandi gace k’ingenzi ka Rubaya gakungahaye ku mabuye y’agaciro ya Coltan, yifashishwa mu gukora ibikoresho bigezweho birimo telefone