Shampiyona ya Premier League 2024/2025 yo mu Bwongereza igiye gutangira MinCity ibanza mu kibuga

Imikino ya shampiyona y’ikiciro cya Mbere mu Bwongereza "Premier League" umwaka wa 2024/25 yamaze kujya ahagaragara mbere y’amezi abiri ngo itangire.

Mu gitondo cyo kuri uyu wa Kabiri tariki ya 18 Kamena 2024 nibwo "Premier League" yashyize hanze ingengabihe y’uko amakipe azahura mu mwaka wa 2024/25.

Biteganijwe ko iyi shampiyona iratangira tariki ya 16 Kanama 2024, aho ku munsi wa Mbere w’iyi shampiyona hazagaragara imikino ikomeye cyane.

Ikipe ya Manchester City ifite igikombe giheruka izatangira shampiyona itana mu mitwa na Chelsea iherutse kuzana umutoza mushya, Enzo Maresca.

Hagati aho, Arsenal, yarangije ku mwanya wa kabiri itozwa na Mikel Arteta, izatangira yakira Wolves.

Manchester United izatangira yakira Fulham muri Old Trafford, ni gihe Arne Slot waje gusimbura Jurgen Klopp muri Liverpool azatangira yakira Ipswich yazamutse mu kiciro cya Mbere uyu mwaka.