Isiganwa ry'imodoka Huye Rally ry'itabiriwe n'abanyamakuru &MCs bazwi cyane hano mu Rwanda rirashyushye. (AMAFOTO)

Mu mpera z’iki cyumweru mu karere ka Huye na Gisagara hari kubera isiganwa ry’imodoka rizwi nka Huye Rally, ariko ryanasusurukijwe na Moto zisimbuka

Ni isiganwa ngarukamwaka rigamije kwibuka Gakwaya Claude, wahoze akina uyu mukino, aza kwitaba Imana mu 1986 azize impanuka. Isiganwa ry’uyu mwaka ryakinwe kuva kuri uyu wa Gatanu tariki 14/06 kugera kuri iki Cyumweru tariki 16/06/2024.

Umunsi wa mbere wakinwe nijoro

Ni umunsi hakinwaga agace k’isiganwa gakinwa nijoro (Classification Stage) kari no mu bikunze kuba umwihariko wa Rally ya Huye, aho abasiganwa baba baniyereka abakunzi b’uyu mukino bakata mu bice by’umujyi wa Huye.

Kuri iyi nshuro hagaragayemo bamwe mu banyamakuru b’abagore bakaba n’abashyushyarugamba (MCs) ari bo (Classification Stage) wakinaga afasha (Co-Pilote) Adolf Nshimiyimana ndetse na Isheja Sandrine wakinaga afasha Davite Giancarlo usanzwe cyane muri uyu mukino.


Ku wa Gatandatu tariki 15 Kamena 2024, mbere y’uko isiganwa rikomereza mu bice by’akarere ka Gisagara, habanje kuba umwiyereko wa Moto zisimbuka udusozi twari twakozwe harundarundwa ibitaka, ibi nabyo bikba mu bikunze kuranga Rally ya Huye.