U Burusiya bwahakanye raporo ivuga ko bukoresha abimukira n'abanyeshuri b'abanyamahanga mu ntambara buhanganyemo na Ukraine

 

Ibitangazamakuru byo muri Nigeria byatangaje ko Ambasade y’u Burusiya yahakanye amakuru avuga ko abanyeshuri b’Abanyanijeriya biga mu Burusiya bahatirwa kujya mu gisirikare kugira ngo bafashe Moscou mu ntambara yo muri Ukraine.

Mu ntangiriro z’iki cyumweru, raporo ya Bloomberg yavuze ko u Burusiya bwahatiye abanyeshuri bo muri Afurika kwitabira urugamba rwo kurwanya Ukraine mbere yo kongererwa visa.

Raporo y’ikigo mpuzamahanga gishinzwe amakuru yavuze ko Moscou yohereje ibihumbi by’abimukira n’abanyeshuri b’abanyamahanga, barimo Abanyanijeriya, gufatanya kurwana n’ingabo zabwo mu ntambara yo kurwanya Ukraine. Inkuru ya Bloomberg yanakwirakwijwe mu bitangazamakuru byo muri Nigeria.

Inkuru ya Bloomberg yasubiyemo umuyobozi w’u Burayi agira ati: "Bamwe mu Banyafurika mu Burusiya bahaba kuri viza y’akazi bafunzwe bahatirwa gufata icyemezo cyo gusubizwa iwabo cyangwa kujya ku rugamba.

Moscou yabyise ’amakuru y’ibinyoma.

Ku wa Gatatu, Ambasade y’u Burusiya muri Nigeria yasohoye itangazo, ivuga ko "yatangajwe" n’itangazwa ry’ibi birego n’ibitangazamakuru byo muri Nigeria.

"Ambasade y’u Burusiya yahatiwe gushimangira ko amakuru nk’aya atari ibinyoma gusa ahubwo yangiza ubufatanye mu burezi bw’u Burusiya na Nigeria mu kuyobya abasaba buruse n’abasaba inkunga ndetse n’abafatanyabikorwa babo, bashobora guhangayikishwa cyane n’ibi binyoma." Ibi ni ibinyamakuru The Guardian na The Punch byo muri Nigeria byavuze ko ambasade yatangaje ibi.