Igisirikare cya Israel cyatangaje ko cyahitanye uwagemuriraga intwaro umutwe wa Hamas

Igisirikare cya Israel cyatangaje ko igitero cy’indege zitagira abapilote cya IDF cyahitanye Ayman Ratma, umwe mu bagemuriraga intwaro zikomeye umutwe wa Hamas, mu kibaya cya Bekaa .

Israel yavuze ko Ratma yafashaga kohereza ibikoresho by’intambara bigenewe Hamas na Jamaa Islamiya, ishami ry’Abavandimwe b’Abayisilamu (Muslim Brotherhood) biva muri Liban nk’uko iyi nkuru dukesha Euronews ivuga.

Igisirikare cya Israel (IDF) cyavuze ko bishe Ratma kubera "uruhare yagize mu guteza imbere no gushyira mu bikorwa ibikorwa by’iterabwoba byibasiye Israel mu gihe cya vuba, ndetse n’uruhare yagize mu guteza imbere ibikorwa by’iterabwoba byibasira abaturage ba Israel."

Amashusho yanyujijwe kuri X yaturutse mu Biro Ntaramakuru bya Liban, Al-Akhbar yerekanaga imodoka ivugwa ko Ratma yagendagamo irimo kugurumana.