Abarimu ba gisirikare babiri b’Abarusiya

Abarimu ba gisirikare babiri b’Abarusiya kuri uyu wa Gatandatu ushize baba biciwe mu mirwano hagati y’Igisirikare cya Repubulika ya Demokarasi ya Congo n’Inyeshyamba za M23 muri Teritwari ya Nyiragongo mu Ntara ya Kivu y’Amajyaruguru .

Ikinyamakuru Les Volcans news cyanditse kuri X ko inyeshyamba za M23 zagabye igitero ku gicamunsi ahagana mu ma saa kumi z’umugoroba ku birindiro bya FARDC muri Teritwari ya Nyiragongo ugana Kanyamahoro.

Abarimu ba gisirikare (military instructors ) babiri b’Abarusiya ngo baba bari mu baguye muri iki gitero gitunguranye nubwo nta makuru ajyane nacyo yigeze ashyirwa ahagaragara nk’uko bikomeza bitangazwa na Les Volcans news. 

Ubwo cyatangazaga ibi mu ma saa kumi n’imwe n’igice z’umugoroba kuri uyu wa Gatandatu ushize iki kinyamakuru cyavugaga ko imirwano yari ikomeje.