Urwibutso rw’i Remera: REG VC yakoze amateka yo kuva inyuma yegukana igikombe cya Shampiyona

 

Ikipe ya REG Volleyball Club (REG VC) yanditse amateka ahanitse mu mupira w’amaboko wa Volleyball mu Rwanda, nyuma yo gutsinda Police VC amaseti 3-0 mu mukino wa gatanu wa nyuma w’ibirori bya ‘Play-offs’, ikegukana Igikombe cya Shampiyona y’u Rwanda y’Abagabo y’umwaka w’imikino wa 2025/2026.

Uyu mukino w’ishiraniro wabaye kuri iki Cyumweru, tariki ya 17 Gicurasi 2026, kuri Petit Stade i Remera. 

Ikipe ya Sosiyete y’Igihugu ishinzwe Ingufu (REG) yerekanye ubutwari budasanzwe, kuko yageze kuri iyi ntsinzi nyuma yo kuva inyuma mu mikino yose (yaratsinzwe imikino 2 ya mbere, yishyura 3 yose ikurikirana), birangira yujuje intsinzi 3-2.

Uko amaseti y’umukino wa nyuma yagenze 

N'ubwo umukino watangiye uhanzwe amaso n'impande zombi, REG VC yerekanye ko ishakisha igikombe cyayo cya mbere kuva mu 2022:

• Iseti ya mbere: REG VC yatsinze ku manota 25-22 mu mukino wari uhatanye cyane.

• Iseti ya kabiri: REG VC yakubise itababariye Police VC, iyitsinda ku kinyuranyo kinini cy’amanota 25-14.

• Iseti ya nyuma: Police VC yagerageje kugaruka mu mukino ishyiramo imbaraga, ariko REG VC iyisiga gake ku manota 25-23, umukino urangira utyo ari amaseti 3-0.

Iki gikombe kije gisimbura icyari gifitwe na APR VC yari yagitwaye mu mwaka ushize wa 2024/2025. Icyiza cyane ni uko amakipe yombi (REG VC na Police VC) yahise abona itike yo kuzasohokera u Rwanda mu mikino ya Afurika y'Amakipe (African Volleyball Clubs Champions Championship).

Abakinnyi b’indashyikirwa n’ibihembo (Individual Awards) 

Nyuma y’umukino, hahembwe abakinnyi bahize abandi muri uyu mwaka w’imikino:

• Utanga imipira mwiza (Best Server): Sibomana Placide (REG)

• Uwakira imipira mwiza (Best Receiver): Gisubizo Merci (REG)

• Ufasha bagenzi be (Best Setter): Ntanteteri Crispin (REG)

• Usatira mwiza (Best Attacker) & Umukinnyi mwiza w’irushanwa (MVP): Matui Nicholas (REG)

• Uhagarika imipira neza (Best Blocker): Twagirayezu Emmy (Police)

• Umunyabyago/Uwirinda mwiza (Best Libero): Niyigena Jules (Police)

Mu cyiciro cy’abagore, Ikipe ya APR WVC ni yo yegukanye igikombe cya Shampiyona nyuma yo gutsinda Kepler WVC ku ntsinzi zose hamwe 3-0 mu mikino ya Play-offs.