Ubushyamirane bwa Amerika na Iran: Minisitiri Abbas Araghchi yavuze ko biteguye gutungura Amerika baturitsa izindi ndege za F-35

 

Umwuka w’intambara ukomeje gufata indi ntera mu Burasirazuba bwo Hagati, nyuma y’aho Minisitiri w’Ububanyi n’Amahanga wa Iran, Abbas Araghchi, atangarije ko igisirikare cyabo kiteguye kurasa ku bwinshi indege z’intambara za Leta Zunze Ubumwe za Amerika, igihe cyose iki gihugu cyaba gishatse gusubukura ibitero.

Ubu butumwa Araghchi yabunyujije ku rubuga rwa X, aho yishongoye kuri Amerika nyuma y’uko ubanza bavuganye ku nteguza y’iminsi itatu yatanzwe na Perezida Donald Trump.

Iby’ingenzi wamenya kuri iyi nkuru:

• Guhiga ku gukanira Amerika: Araghchi yavuze ko Iran ari cyo gihugu cya mbere ku Isi cyabashije kurasa indege y’intambara ya Amerika y’akarusho yo mu bwoko bwa F-35. Yagize ati: "Ku masomo twize ndetse n’ubumenyi twungutse, nidusubira mu ntambara tuzaza dufite ibidasanzwe byinshi bizatungura iki gihugu."

• Amateka y’iraswa rya F-35: Ku wa 19 Werurwe 2026, Umutwe Udasanzwe w’Ingabo za Iran (IRGC) ni bwo warashe iyi ndege ihagaze miliyoni 100$ (asaga miliyari 145 Frw). Iyi ndege ikoranye ikoranabuhanga rya "Stealth" rituma itaboneka kuri radar, ariko Iran yashoboye kuyangiza bikomeye bituma igwa igitaraganya.

• Imvo n’imvano y’iyi ntambara: Iyi ntambara ihanganishije Amerika na Israel ku ruhande rumwe na Iran ku rundi, yatangiye ku wa 28 Gashyantare 2026, ubwo hashishwaho ibitero byahitanye n’Umuyobozi w’Ikirenga wa Iran, Ayatollah Ali Khamenei. Nubwo hashyizweho agahenge ku wa 8 Mata 2026, impande zombi zinanirwe kumvikana ku masezerano y’amahoro.

• Akaga ku bukungu bw’Isi: Inzira y’amazi ya Hormuz yamaze gufungwa n’iyi ntambara, ibintu byakubise hasi ubukungu bw’Isi kuko muri uyu muyoboro ari ho hanyuzwa 20% by’ibikomoka kuri peteroli bigana ku masoko mpuzamahanga.