Ruhango: Ibyumba by’amashuri byubatswe na ‘Inzira y’Urumuri’ bigiye kugabanya guta ishuri mu banyeshuri

 

Ku wa 8 Gicurasi 2026, mu Mudugudu wa Kavumu hatashywe ibyumba bitatu bishya by’amashuri abanza, byubatswe ku nkunga y’umuryango ‘Le Chemin de la Lumière’ (Inzira y’Urumuri). 

Ibi byumba bishya bije ari igisubizo ku kibazo cy’ubucucike n’urugendo rurerure abana bakoraga bajya kwiga, dore ko byabatwaraga amasaha agera kuri abiri mu nzira.

Urugendo rw’iterambere ry’iri shuri:

• Igitekerezo: Cyavutse mu 2011 ubwo Marie Ntaganda, Adolphine Mukamanzi na Noreen Barbe basuraga aka gace bakumva amaganya y’ababyeyi.

• 2017: Hubatswe ibyumba bitandatu by’amashuri y’incuke mu kibanza cyatanzwe na Diyosezi ya Kabgayi.

• 2021: Hubatswe ibyumba bitatu by’amashuri abanza.

• 2026: Hashyizweho ibindi byumba bitatu by’abanza, bituma ibyumba byose hamwe biba icyenda.

Marie Ntaganda, Umuyobozi w’uyu muryango, yashimangiye ko uburezi ari umusingi w’iterambere, ashimira ubufatanye n’inzego za Leta n’ababyeyi batuye muri Kavumu mu gutuma uyu mushinga ugerwaho.