RDC: AFC/M23 yavuye muri Luvungi yerekera muri Kamanyola, Wazalendo n'ingabo za Leta bahita bahinjira

Kuri uyu wa 12 Gicurasi 2026, urugendo rwo gusubira inyuma k’umutwe wa AFC/M23 rwakomeje mu Kibaya cya Ruzizi. 

Nyuma y’aho uyu mutwe uvishe amabwiriza ya Amerika yo kuva mu Mujyi wa Uvira n’inkengero zawo muri Mutarama, ubu werekeje mu gace ka Kamanyola.

Uko urugendo rwo gusubira inyuma rwagenze:

• Gusubira muri Kamanyola: Abarwanyi ba AFC/M23 bavuye muri santere ya Luvungi kuri uyu wa Kabiri mu gitondo, bakaba berekeje muri Kamanyola ku ntera y’ibilometero 75 uvuye muri Uvira.

• Kwinjira kwa Wazalendo: Nyuma y’amasaha make AFC/M23 ihacyuye ikirenge, imitwe ya Wazalendo n’ingabo za RDC (FARDC) bahise bamanuka bagenzura Luvungi.

• Intwaro ziremereye muri Katogota: Nubwo uyu mutwe wasubiye inyuma, Umuvugizi w’ingabo muri Kivu y’Amajyepfo, Lt Reagan Mbuyi Kalonji, yavuze ko AFC/M23 yashyize intwaro ziremereye mu bice bya Katogota, hafi ya Kamanyola, mu buryo busa n’aho bashaka kuhakomeza ibirindiro.

Iki gikorwa kije kinyuranye n'ibyo Amerika yari yarasezeranyije AFC/M23, ko mu bice ivuyemo hazajya ingabo zitagira uruhande zibogamiyeho aho kuba iza Leta ya Congo cyangwa Wazalendo.