Sergio Ramos agiye kugura Sevilla FC: Isesengura kuri miliyoni 470$ agiye gushora mu ikipe yakuriyemo

 

Ibinyamakuru byo muri Espagne byemeje ko Sergio Ramos, ufite imyaka 40, yamaze kumvikana n’ikigo Five Eleven Capital kugira ngo yegukane imigabane myinshi ya Sevilla FC. 

Uyu mushinga azawufatanyamo n'umuvandimwe we, Rene Ramos, bakaba bagiye kwishyura miliyoni 470$ kugira ngo begukane 80% by’iyi kipe.

Iby’ingenzi kuri ubu bugure:

• Igiciro cy'imigabane: Bivugwa ko umugabane umwe uhagaze kuri 4105$.

• Inshingano nshya: Ramos ntabwo azaba ari nyiri ikipe gusa, ahubwo azaba n’Umuyobozi Mukuru (President/CEO) wa Sevilla FC.

• Amateka asubira inyuma: Ramos yakuriye muri Sevilla (2003-2005) mbere yo kujya muri Real Madrid, PSG, no muri C.F. Monterrey yo muri Mexique aherukamo.

Ibi bije mu gihe uyu munyabigwi udafite ikipe akinira ubu, yashatse gusoreza urugendo rwe rwa ruhago mu buryo bw’ishoramari rikomeye, asubira ku mizi ye i Seville.