Politiki muri RDC: Ishyaka rya Felix Tshisekedi ryasabye Amerika guta muri yombi Joseph Kabila

 

Ishyaka UDPS riri ku butegetsi muri Repubulika Iharanira Demokarasi ya Congo, ryamaze gusaba ku mugaragaro Leta Zunze Ubumwe za Amerika gushyiriraho Joseph Kabila impapuro mpuzamahanga zo kumuta muri yombi. 

Ubu busabe bwatangajwe n’Umunyamabanga Mukuru w’iri shyaka, Augustin Kabuya, mu rugendo rwateguwe i Kinshasa ku wa Mbere tariki ya 4 Gicurasi 2026.

Impamvu y'uyu mwigaragambyo n'ubusabe

Iri shyaka rya UDPS ryateguye urugendo rugamije gushyigikira ibihano Amerika iherutse gufatira Joseph Kabila. Augustin Kabuya yavuze ko banditsse urwandiko rwashyikirijwe Ambasade ya Amerika i Kinshasa, rugenewe by’umwihariko Perezida Donald Trump. 

Muri urwo rwandiko, basabye ko ubuyobozi bwa Amerika bwatanga impapuro zo guta muri yombi uyu mugabo wayoboye RDC hagati ya 2001 na 2019.

Inkomoko y’ibihano bya Kabila 

Ku wa 30 Mata 2026, Urwego rwa Leta Zunze Ubumwe za Amerika rushinzwe kugenzura imitungo y’abanyamahanga rwatangaje ko rwahagaritse imitungo ya Joseph Kabila. Ibi byakozwe nyuma yo kumushinja ibyaha bikomeye:

• Gushyigikira umutwe wa M23.

• Gukorana n’ihuriro rya Alliance du Fleuve Congo (AFC).

• Kugira uruhare mu ntambara imaze igihe mu Burasirazuba bwa Congo.

Joseph Kabila yamaganye ibyo birego byose, avuga ko ari ibihimbano bitagira gihamya ashinjwa na Leta ya Kinshasa.

 Itumanaho: Perezida Ruto yasabye Tanzania n’ibindi bihugu bya EAC gushyira mu bikorwa "One Network Area" byuzuye