Karasira Aimable 'Prof Nigga' yitabye Imana habura amasaha make ngo arekurwa

 

Mu ijoro ryo ku wa 7 Gicurasi 2026, ahagana saa sita z'ijoro, Uzaramba Karasira Aimable yashizemo umwuka nyuma yo kunywa imiti myinshi ikarenza urugero (overdose). 

Uru rupfu rwabaye mu gihe Karasira yari arimo kwitegura gusohoka mu Igororero rya Mageragere, aho yari asoje igihano cy’imyaka itanu yari yakatiwe.

Imiterere y'ibyago n'uburwayi bwa 'Depression' 

Umuvugizi wa RCS, Sengabo Hillary, yavuze ko Karasira yanyweye imiti yari asanzwe akoresha mu guhangana n’uburwayi bwo mu mutwe (Depression) yari afite, ariko akaza kuyinywa nk’uwiyahura.

 Nubwo inzego z’igorora zahise zimugeza ku Bitaro bya Nyarugenge, abaganga ntibashoboye kurokora ubuzima bwe.

Urugendo rwe mu butabera n'amateka 

Karasira yari yatawe muri yombi muri Gicurasi 2021, ashinjwa ibyaha birimo guhakana Jenoside, gukurura amacakubiri n’iyezandonke. Mu rubanza rwe, yaje guhamwa n’icyaha cyo gukurura amacakubiri, akatirwa imyaka itanu. 

Karasira yakunze kugaragaza ko amagambo yavugiraga kuri YouTube yaterwaga n’agahinda gakabije (Depression) yari afite, akaba ari na yo yifashishaga mu "kwivura" uwo muheru w'ibitekerezo.

Uyu mugabo w’imyaka 40 n’usago, yasize amateka akomeye nk’umwarimu wigishije abanyeshuri benshi mu bijyanye n’ikoranabuhanga muri Kaminuza y’u Rwanda, ndetse n’umuhanzi w’injyana ya Hip hop wari ufite imitekerereze yihariye.