Ishema kuri Sinema y’u Rwanda: Filime ‘Umuganda’ na ‘Beyond the Genocide’ zegukanye ibihembo muri Amerika

 

Filime mbarankuru ebyiri z’umunyarwanda Zion Sulaiman Mukasa Matovu zatsindiye igihembo cy’indashyikirwa cya Merit mu marushanwa akomeye ya IndieFest Film Awards. 

Ibi bihembo byatangiwe i California muri Leta Zunze Ubumwe za Amerika ku wa 4 Gicurasi 2026, bigamije guteza imbere impano nshya mu rwego rwa filime ku Isi.

Filime zatsinze n’ubutumwa bukubiyemo:

• Umuganda: Iyi filime igaragaza uburyo gahunda y’Umuganda yabaye ikimenyetso gikomeye cy’umuco, ubumwe, n’ukwigira kw’Abanyarwanda.

• Beyond the Genocide: Iyi yo igaruka ku mateka asharira ya Jenoside yakorewe Abatutsi mu 1994, ariko ikibanda cyane ku rugendo rwo kwiyubaka n’aho u Rwanda rugeze rwivana mu icuraburindi.

Zion Sulaiman Mukasa Matovu, watunganyije izi filime, yavuze ko iki gihembo kishimiwe cyane kuko cyerekana akamaro ko kuvuga amateka y’u Rwanda ku rwego mpuzamahanga. 

Yagaragaje ko izi filime zakozwe mu rwego rwo kwibuka no gufasha abantu gutekereza ku mateka, hagamijwe ko avugwa uko ari kandi mu ntego yubaka.

 Imyidagaduro: Cameron Diaz n’umugabo we Benji Madden bibarutse umwana wabo wa gatatu