Ubutwari mu mwijima: Amb. Nduhungirehe yunamiye abakozi ba Loni bazize Jenoside, ashima n’ingabo zanze gukurikiza amabwiriza mabi

Kuri uyu wa Gatatu, tariki ya 22 Mata 2026, Minisitiri w’Ububanyi n’Amahanga n’Ubutwererane w’u Rwanda, Amb. Nduhungirehe Jean Patrick Olivier, yifatanyije n’Umuryango w’Abibumbye (Loni) mu gikorwa cyo kwibuka abakozi bawo 64 bazize Jenoside yakorewe Abatutsi mu 1994.

Gutsindwa kwa Loni n'ubutwari bw'umuntu ku giti cye 

Mu ijambo rye ryuje ubutumwa bukomeye, Minisitiri Nduhungirehe yagaragaje ko nubwo Umuryango w’Abibumbye nk’urwego wananiwe inshingano zawo mu 1994, hari abantu ku giti cyabo bagize ubutwari burenze amabwiriza bagahita kurengera ubuzima bw’Abatutsi.

Abantu 5 b'indashyikirwa bagarutsweho:

1. Kapiteni Mbaye Diagne (Senegal): Warokoye Abatutsi bagera ku gihumbi wenyine, arenga ku mabwiriza kugeza ahasize ubuzima.

2. Abasirikare 10 b'Ababiligi: Bishwe ku munsi wa mbere barinda Minisitiri w’Intebe, Agathe Uwilingimana.

3. Gen Maj Anyidoho na Gen Maj Adinkra (Ghana): Bagumye mu Rwanda n’ingabo zabo mu gihe abandi batahaga, bafasha kurokora abantu.

4. Colin Keating, Karel Kovanda, na Ibrahim Gambari: Abadipolomate bavuze ukuri muri Loni mu gihe ibindi bihugu byatindaga mu magambo.

5. Lt Gen Roméo Dallaire: Wayoboraga MINUAR, wavuze ko Jenoside ari ugutsindwa kw’ubumuntu.

Imbogamizi n’Icyizere 

Minisitiri Nduhungirehe yibukije ko nubwo Loni yashyizeho ihame rya "Responsibility to Protect" (Inshingano yo kurinda) mu 2005, hakiri ibihugu bitize inyito nyayo ya Jenoside yakorewe Abatutsi, ibintu bigatiza umurindi abahapfobya n’abayigoreka.

Ese ubona isi yarize bihagije ku makosa yabaye mu Rwanda mu 1994, ku buryo Jenoside itazongera kubaho ukundi ahandi ku isi?

 Amahirwe ku Mpano: Minisiteri y’Urubyiruko n’Ubuhanzi yijeje ubufatanye abategura ‘Rubavu Music Awards’