Ray J yateje impaka: Avuga ko amaze kuryamana n’abagore basaga 12,500 mu buzima bwe

Umuhanzi akaba n’umukinnyi wa filime muri Amerika, William Ray Norwood Jr. uzwi nka Ray J, yongeye kugarukwaho mu bitangazamakuru nyuma yo gutangaza umubare w’abagore amaze kuryamana na bo, abantu benshi bise amayobera.

Imibare idasanzwe: Umugore umwe buri masaha 12? 

Ray J, wujuje imyaka 45, yavuze ko kugeza ubu amaze kuryamana n’abagore 12,500. Ugereranyije, uyu mubare usobanuye ko mu myaka 30 ishize yaba yararyamanaga n’umugore mushya buri masaha 12.

 Icyakora, Ray J yasobanuye ko ibi bitakorwaga mu buryo buringaniye, kuko igihe cy’ibitaramo ngo yashoboraga kuryamana n’abagore bari hagati ya 5 n’icumi ku munsi umwe.

Urukundo rwa Kim Kardashian n’umugore we Princess Love 

Ray J yibukwa cyane mu mateka y’imyidagaduro kubera amashusho ye na Kim Kardashian yagiye hanze mu 2003, yamugize icyamamare ku isi yose. 

Nubwo avuga iyi mibare yose, Ray J ashimangira ko nta mugore n’umwe ugera ku rwego rw’umugore we Princess Love bashakanye mu 2016, bakaba bafitanye abana babiri.

 Micky yashyize ukuri hanze: "Killaman ntiyahawe inkwano yanjye, kwari ukumuha icyubahiro"