Perezida Kagame i Chantilly: Afurika ntikeneye gutegekwa uko igomba kubaho

 

Perezida wa Repubulika, Paul Kagame, yagaragaje ko ubusumbane hagati y’ibihugu bikize n’ibibifashwa bukomeje kuba imbarutso y’amakimbirane ku Isi. Ibi yabitangaje mu nama ya World Policy Conference (WPC) iri kubera mu Bufaransa kuva ku wa 24 Mata 2026.

Ubutabera buhengamiye ku ruhande rumwe 

Umukuru w’Igihugu yagaragaje ko hariho "double standards" (gukurikiza amategeko abiri atandukanye), aho ibihugu bikize bikora ibyo bishaka iyo inyungu zabyo zibangamiwe, ariko ibihugu bikennye byagira icyo bikora bikagenerwa ibihano cyangwa bigatungwa agatoki.

“Iyo ibihugu bikennye bibonye ibibibangamira, igikurikiraho ni ukubinenga no kubihana... Bitegekwa uko bigomba kubaho, ibikize bikagena ibyitwa byiza n'ibyitwa bibi.” — Perezida Paul Kagame.

Icyerekezo cya Afurika mu myaka 50 iri imbere

Perezida Kagame yibukije amahanga ko mu myaka ya kera Isi itagenderaga ku gitugu nk'icyo abona uyu munsi. Yagaragaje ko icyo Afurika ishaka atari ubufasha buherekejwe n'amategeko, ahubwo ari:

• Ubwubahane: Gukorana n’amahanga nk’abafatanyabikorwa bangana.

• Ubwuzuzanye: Gusenyera umugozi umwe mu gukemura ibibazo by’isi batabereye.

• Guhagarika ihezwa: Avuga ko guheza Afurika bitazazana igisubizo na rimwe, ahubwo ko biteza amacakubiri.

 Minembwe: Ibitero bikomeye byavuzweho n’umutwe wa AFC/M23, impungenge ku mutekano w’abaturage