ISOKO RY’IMARI RYAZAMUTSE: Nyuma y’amasezerano kuri Hormuz, igiciro cya Peteroli cyaguyeho 16.5%
Isoko ry’imari n’imigabane ku isi ryazindutse rishaka kuzamuka nyuma y’uko Perezida Donald Trump atangaje agahenge k’ibyumweru bibiri hagati ya Amerika na Iran. Igiciro cya peteroli (crude oil) cyahise kimanuka mu buryo butunguranye ku kigero cya 16.5%, kigera ku madolari 94 ($94) ku kagunguru.
Nk’uko bitangazwa n’ibiro ntaramakuru bya Reuters, uyu mwanzuro wo gufungura Umuhora wa Hormuz wakuyeho ubwoba bw’uko peteroli yari kuzongera kubura, bituma n’amasoko y’imari (stocks) hirya no hino ku isi azamuka cyane kubera icyizere cy’uko intambara yasubitswe.
Ingaruka z’aya masezerano ku bukungu muri Mata 2026:
Kugabanuka kw’ibiciro: Peteroli yamanutseho amadolari menshi mu gihe gito, bivuze ko mu minsi iri imbere n’ibiciro by’ubuhahirane n’ibiribwa bishobora kumanuka.
Isura nshya ku isoko ry’imari: Amasosiyete akomeye ku isi yari yarahombye kubera ubwoba bw’intambara, ubu yatangiye kongera kunguka (stocks surged) kuko abashoramari bafite icyizere.
Umuhora wa Hormuz: Kuba iyi nzira inyuzwamo 20% by’ibikomoka kuri peteroli ku isi yongeye gufungurwa, bivuze ko amato y’ubucuruzi yongeye kugenda nta nkomyi.
Isesengura rya Inganjinews
Ibi bitwibutsa ko "Umutekano ari rwo rufunguzo rw'ubukungu". Iyo abategetsi b'ibihugu bikomeye bumvikanye, umuturage wo hasi ni we ubyungukiramo binyuze mu kumanuka kw’ibiciro by’ibiribwa n’ingendo. Kumanuka kwa peteroli ku isi ni inkuru nziza kuko bishobora gutuma ibiciro bya lisansi na mazutu bitazamuka cyane mu buryo bwari buteye inkeke muri iki cyumweru.
SOMA:
No comments