Iminsi 21 y’agahenge: Trump yemeje ko Israel na Lebanon byumvikanye guhagarika intambara by’agateganyo

 

Perezida wa Leta Zunze Ubumwe za Amerika, Donald Trump, yatangaje ko Israel na Lebanon byumvikanye kongera agahenge kari hagati yabyo mu gihe cy’ibyumweru bitatu. Uyu mwanzuro wafatiwe muri White House, uje mu gihe agahenge k’iminsi 10 kari karemejwe ku wa 16 Mata kari kabura iminsi ibiri gusa ngo karangire.

Ingingo z’ingenzi zigize aka gahenge:

• Uburenganzira bwa Israel: Israel yemerewe gufata ingamba zo kwirwanaho igihe cyose yabona ko isumbirijwe n’ibitero byaba ibiri kuba cyangwa ibitegurwa.

• Inshingano za Lebanon: Guverinoma ya Lebanon yiyemeje gufata ingamba zifatika zo gukumira umutwe wa Hezbollah n’indi mitwe yitwaje intwaro kugira ngo itagaba ibitero kuri Israel.

• Umutekano: Inzego z’umutekano za Lebanon nizo zonyine zemerewe gucunga umutekano w’icyo gihugu, bitandukanye n’uko byahoze aho imitwe yitwaje intwaro yari ifite ijambo.

Amerika nk’umuhuza w’ibihe byose 

Trump yashimangiye ko Amerika izafatanya na Lebanon mu rugamba rwo kurwanya Hezbollah, anategura inama ikomeye izahuza Minisitiri w’Intebe wa Israel na Perezida wa Lebanon muri Amerika. Ibi bihugu byombi nta mubano wa dipolomasi bifitanye, kandi inshuro ya nyuma byari byahuye mu biganiro nk'ibi byari mu mwaka wa 1993.

Ese ubona kongera aka gahenge ari ikimenyetso cy’uko amahoro arambye hagati ya Israel na Lebanon agiye kuboneka, cyangwa Hezbollah izashaka kuyatesha agaciro?

 Inzozi za Dangote muri EAC: Ibihugu by’Iburasirazuba bigiye kubaka uruganda rw’ibikomoka kuri peteroli muri Tanga