Inzozi za Dangote muri EAC: Ibihugu by’Iburasirazuba bigiye kubaka uruganda rw’ibikomoka kuri peteroli muri Tanga

Perezida wa Kenya, William Ruto, kuri uyu wa 23 Mata 2026, yatangaje ko ibihugu byo muri Afurika y’Iburasirazuba biri mu biganiro byo kubaka uruganda ruhuriweho rutunganya peteroli rukomeye, ruzubakwa ku cyambu cya Tanga muri Tanzania.

Igisubizo ku guhenda kwa lisansi 

Uyu mushinga uje mu gihe ibiciro by’ibitoro bikomeje gutumbagira ku isi yose, bitewe n’ifungwa ry’inzira ya Hormuz muri Iran, inyuzwamo 20% bya peteroli ikoreshwa ku isi. Afurika y’Iburasirazuba, isanzwe ikoresha ibikomoka mu Burasirazuba bwo Hagati, yabonye ko igomba kwishakira igisubizo kirambye.

Aliko Dangote mu rugamba rw'iterambere rya EAC 

Umunyemari wa mbere muri Afurika, Aliko Dangote, wari witabiriye inama i Nairobi, yagaragaje ko yiteguye kubaka uruganda muri kano karere rumeze nk'urwe ruri muri Nigeria (Dangote Refinery) niba za guverinoma zibyumvikanyeho.

• Imbaraga z'uruganda: Uru ruganda ruzajya rutunganya peteroli iturutse muri RDC, Kenya, Sudani y’Epfo, na Uganda.

• Igihe ruzubakirwa: Dangote yavuze ko mu myaka 4 cyangwa 5 uru ruganda rwaba rwatangiye gukora.

Uganda na yo ntiyasigaye inyuma 

Uganda iteganya gutangira kugurisha peteroli yayo muri uyu mwaka wa 2026, imaze igihe ishakisha abashoramari b’Abarabu (Alpha MBM Investments) bo kubaka uruganda ruto rutunganya utugunguru 60,000 ku munsi.

Ese ubona uru ruganda rwa Tanga ruzaba iherezo ry’izamuka rya hato na hato ry’ibiciro bya lisansi mu Rwanda n’ibindi bihugu by’abaturanyi?

  Isura nshya y’ubufatanye": Rwanda na Uganda byasinyanye amasezerano mu nzego 4 z'ingenzi