CUBA: Imfungwa za politiki zirenga 2,000 zahawe imbabazi mu gihe Trump akomeje kuyotsa igitutu

 

Guverinoma ya Cuba yatangaje ko igiye guha imbabazi imfungwa za politiki 2,010, igikorwa yise icy’ubugiraneza n’imbabazi muri ibi bihe byo kwitegura umunsi mukuru wa Pasika ugiye kuba muri uku kwezi kwa Mata 2026.

Nubwo Cuba ivuga ko uyu mwanzuro ushingiye ku myitwarire myiza y’izi mfungwa n’ubuzima bwazo muri gereza, abasesenguzi b’uburenganzira bwa muntu bemeza ko ari umusaruro w’igitutu gikomeye Amerika yashyize kuri iki gihugu guhera mu ntangiriro za Werurwe.

Igitutu cya Donald Trump kuri Cuba

Kuva Donald Trump yasubira mu nzu y’uburyohe (White House), umwuka mubi hagati ya Amerika na Cuba wongeye gututumba. Trump ntiyigeze ahisha umugambi we wo kwikoma iki kirwa, ndetse rimwe na rimwe akagaragaza ko Amerika ishobora no kugifata mu rwego rwo kurinda umutekano wayo.

Amerika ishinja Cuba ibyaha bikomeye birimo:

• Ubutasi bw’u Burusiya: Kuba Cuba yararemeye kwakira ikigo kinini cy’ubutasi bw’igisirikare cy’u Burusiya hanze yabwo.

• Gushyigikira iterabwoba: Guha uburenganzira udutsiko tw’iterabwoba n’ingengabitekerezo y’aba-Communistes igamije guhungabanya demokarasi.

Kurekura imfungwa: Inshuro ya kabiri muri uyu mwaka

Uyu ni wo muryango wa kabiri ufunguriwe imfungwa za politiki muri uyu mwaka, nyuma y’ibiganiro bitagaragajwe cyane mu ruhame byabaye hagati y’abayobozi ba Amerika n’aba Cuba. N’ubwo Guverinoma ya Cuba ihakana ko itajenjekera igitutu cya Amerika, amateka y’ububanyi n’amahanga yerekana ko kurekura izi mfungwa ari iturufu yo kugabanya umurego w’ibihano Amerika yaba itegura.

Izi mbabazi zije mu gihe Amerika irangajwe na Trump ikomeje no kwibanda ku ntambara yo mu Burasirazuba bwo Hagati, aho na Iran ikomeje kotswa igitutu n’ibitero by’indege nk’uko Inganjinews imaze iminsi ibibagezaho.