Ubuzima: Virusi ya Hantavirus yahitanye abantu batatu mu bwato bwa MV Hondius

 

Ishami ry’Umuryango w’Abibumbye ryita ku buzima (OMS) ryatangaje ko abantu batatu b’Abaholandi bahitanwe na virusi ya Hantavirus ubwo bari mu bwato bwa MV Hondius bwavaga muri Argentina bujya Cape Verde. 

Mu bishwe n'iyi ndwara harimo umugabo w’imyaka 70 n’umugore we w’imyaka 69, bose bakaba barishwe n’ibimenyetso baje gutaka bitunguranye.

Uko iyi virusi ikwirakwizwa n’aho igeze 

Hantavirus ni virusi ikwirakwizwa n’imbeba binyuze mu mwanda wazo (inkari n'amabyi) cyangwa amacandwe. Kugeza ubu:

• Abandi bantu batandatu bikekwa ko banduye bakuwe mu bwato.

• Umugabo w’Umwongereza w’imyaka 69 byamaze kwemezwa ko ayirwaye, akaba ari kuvurirwa i Johannesburg muri Afurika y’Epfo.

• Iyi ndwara kugeza ubu nta muti cyangwa urukingo irabona.

Ibimenyetso byayo bikwiye kwitonderwa: 

Mu minsi ya mbere, uyanduye arangwa na:

• Umuriro mwinshi n'umutwe.

• Kubabara mu ngingo n'umugongo.

• Kuruka, gucibwamo, no kubabara mu nda.

Nyuma y’iminsi ine, ibimenyetso birakaza bikagera mu buhumekero aho umurwayi atangira gukorora, kubura umwuka, no kuzana amazi mu bihaha.

 Imvura yahitanye 18 muri Kenya: Ese Afurika yiteguye guhangana n’ingaruka z’imihindagurikire y’ikirere?