Ubuzima na Nucléaire: U Rwanda n’u Burusiya byasinyanye amasezerano y’ikoranabuhanga rishya ryo kuvura kanseri

U Rwanda rukomeje kwagura amarembo mu bijyanye n’ingufu za nucléaire, aho kuri uyu wa Kabiri (tariki 19 Gicurasi 2026), rwasinyanye amasezerano y’imikoranire n’u Burusiya. Ibi byabaye i Geneva mu Busuwisi, aho abaminisitiri b’ubuzima b’ibihugu byombi bari bitabiriye Inteko Rusange y’Ubuzima ku Isi (WHA).

Aya masezerano yashyizweho umukono na Minisitiri w’Ubuzima w’u Rwanda, Dr. Sabin Nsanzimana, na mugenzi we w’u Burusiya, Mikhail Murashko.

Iby’ingenzi wamenya kuri aya masezerano:

• Nucléaire mu buvuzi: Ingingo y’amateka muri aya masezerano ni ikoreshwa ry’ingufu za nucléaire mu rwego rw’ubuzima, by’umwihariko mu gusuzuma no kuvura indwara zikomeye nka kanseri (Nuclear Medicine) hifashishijwe ikoranabuhanga rigezweho.

• Kuzamura ubumenyi n’ubushakashatsi: Ibihugu byombi bizafatanya mu guha ubumenyi buhanitse abaganga n'abakozi bo mu rwego rw'ubuzima, gukora ubushakashatsi bw’imiti, n’uburyo bwo gukumira indwara zandura n’izitandura.

• Ubuzima bw’umubyeyi n’umwana: Amasezerano akomeza yibanda ku gushyiraho ingamba zifatika zigamije kugabanya impfu z’ababyeyi n’abana bavuka.

• Ubufatanye bwasanzweho: U Rwanda n’u Burusiya bfitanye umubano mu bya nucléaire, aho mu ntangiriro za Gashyantare uyu mwaka wa 2026, Guverinoma y’u Rwanda yagiranye ibiganiro n’Ikigo cy’u Burusiya, Rostekhnadzor, gishinzwe kugenzura imitunganyirize n’imikoreshereze y’iz' ireme ry'ingufu.