NEISA 2026: Perezida Kagame yakiriye Umuyobozi wa IAEA, ahabwa raporo y’uruganda rwa Nucléaire ruzatangira kubakwa mu 2028

 

Perezida wa Repubulika, Paul Kagame, yagiranye ibiganiro byihariye n’Umuyobozi w’Ikigo Mpuzamahanga gishinzwe ingufu za nucléaire (IAEA), Rafael Mariano Grossi, bishimangira umuvuduko u Rwanda ruriho mu cyerekezo cyo kwisunga izi ngufu mu bikorwa bigamije amahoro n’iterambere rirambye.

Ibi biganiro byabaye nyuma y’Inama Nyafurika yiga ku iterambere ry’ikoreshwa ry’ingufu za nucléaire (NEISA 2026) iri kubera i Kigali kuva ku wa 19 kugeza ku wa 21 Gicurasi 2026.

Iby’ingenzi wamenya kuri iyi nkuru:

• Raporo y'icyiciro cya mbere ihari: Mbere y’uko ibiganiro bitangira, Grossi yashyikirije Perezida Kagame raporo yakozwe n'impuguke za IAEA n'iz'u Rwanda. Iyi raporo ikubiyemo isesengura ry’icyiciro cya mbere ku bisabwa byose kugira ngo mu Rwanda hashizwe ibikorwaremezo bya nucléaire.

• Icyerekezo n'Ingano y'Uruganda: U Rwanda rurashaka kubaka uruganda rwifashisha ikoranabuhanga rigezweho rya Small Modular Reactors (SMRs). Bizaba ari "ebigega" bito (buri kimwe kimwe kireshya na metero 1.80) bikorerwa mu zindi nganda maze bigaterurwa bishyirwa aho bigomba gukorera. U Rwanda ruzakoresha reactors enye (4), aho buri imwe izatanga megawatt 200, zose hamwe zikazatanga megawatt 600 (MW 600).

• Gahunda y'Imirimo: Biteganyijwe ko imirimo yo kubaka uru ruganda izatangira mu ntangiriro z'umwaka wa 2028, ikazamara imyaka ibiri gusa bivuze ko mu 2030 ruzaba rwatangiye gutanga amashanyarazi.