Man City mu mazi abira: Pep Guardiola agiye gusezera, Enzo Maresca ahabwa amahirwe yo kumusimbura

 

Urugo rwa Manchester City rugiye guhindura isura mu buryo bukomeye, nyuma y’aho ibinyamakuru byo mu Bwongereza byemeje ko Umutoza Mukuru, Pep Guardiola, agiye kumenyesha iyi kipe ko azatandukana na yo burundu nyuma yo gusoza uyu mwaka w’imikino wa 2025/2026.

Iby’ingenzi wamenya kuri iyi nkuru:

• Gahunda y'umusimbura: Umunya-Italia Enzo Maresca ni we uhabwa amahirwe menshi yo gushyira umukono ku masezerano yo gusimbura Pep. Maresca (wahoze ari umwungiriza wa Pep) nta kipe afite kuri ubu kuva muri Mutarama 2026 ubwo yatandukanaga na Chelsea kubera umusaruro mubi.

• Agahigo k’indashyikirwa ka Pep: Mu myaka 10 amaze i Manchester (kuva mu 2016 asimbuye Manuel Pellegrini), Guardiola w’imyaka 55 yagwije ibikombe 20 byose, birimo Premier League 6 (4 yayatwaye yikurikiranya), FA Cup 3, na UEFA Champions League 1.

• Ugereranyije n'amateka: Mu myaka 136 yose Manchester City yari imaze Pep atarahagera, yari ifite ibikombe 18 gusa mu kabyizi kayo, kandi nta na kimwe cyo ku mugabane w'u Burayi yari bwayore n'amaso.