Donald Trump yageze mu Bushinwa mu ruzinduko rugarukamo intambara ya Iran, Taiwan n’ikoranabuhanga

 

Perezida wa Leta Zunze Ubumwe za Amerika, Donald Trump, yageze mu Bushinwa kuri uyu wa 12 Gicurasi 2026, aho biteganyijwe ko azagirana ibiganiro na mugenzi we Xi Jinping ku wa 14 no ku wa 15 Gicurasi. Uru ruzinduko ni urwa mbere Trump agiriye mu Bushinwa kuva mu Ugushyingo 2017.

Ingingo z’ingenzi zitegerejwe mu biganiro:

• Intambara ya Iran: Trump yavuze ko azaganira na Xi Jinping ku kibazo cya Iran isanzwe igura peteroli n’u Bushinwa nubwo yashyiriweho ibihano. Trump yashimangiye ko atiteze ubufasha bw’u Bushinwa kuri iyi ntambara kuko yemeza ko Amerika izayitsinda mu mahoro cyangwa mu bundi buryo.

• Taiwan n’Ubucuruzi bw’Intwaro: Trump yavuze ko azaganira na Xi Jinping ku kibazo cya Taiwan, cyane ko azi ko u Bushinwa budashaka ko Amerika ikomeza kuyigurisha intwaro.

• Amabuye y’agaciro n’Ubucuruzi: Hazaganirwa ku bucuruzi bw’amabuye aboneka hake ku Isi (rare earth minerals) agenzurwa n’u Bushinwa. Ibi bije nyuma y’aho ibihugu byombi byashyiriyeho agahenge k’umwaka umwe mu ntambara y’ubucuruzi muri Ukwakira 2025.

• Ikoranabuhanga: Trump yajyanye n’abayobozi b’ibigo bikomeye nka Elon Musk (Tesla & SpaceX) na Tim Cook (Apple) mu rwego rwo gushimangira ubufatanye mu by’ubucuruzi.