CAN 2027 “PAMOJA”: Uko urugendo rwo gushaka itike ruzagenda n’amahirwe y’Amavubi

 

Impuzamashyirahamwe y’Umupira w’Amaguru muri Afurika, CAF, yatangaje gahunda y’uko ibihugu bizahatanira itike y’Igikombe cya Afurika cya 2027 kizwi nka PAMOJA 2027.

Iri rushanwa rizabera mu Afurika y’Iburasirazuba, rikazakira n’ibihugu bitatu bifatanyije ari byo Kenya, Tanzania na Uganda, ibintu bibaye bwa mbere mu mateka ya CAN.

 Uko imikino yo gushaka itike izagenda

Urugendo rwo gushaka itike ruzamara amezi atandatu, kuva muri Nzeri 2026 kugeza muri Mutarama 2027.

Ibihugu 48 bizagabanywa mu matsinda 12, buri tsinda rigizwe n’amakipe ane. Amakipe abiri ya mbere muri buri tsinda ni yo azabona itike yo gukina CAN 2027.

 Gahunda y’imikino:

• Umunsi wa 1 & 2: 21 Nzeri – 6 Ukwakira 2026
• Umunsi wa 3 & 4: 9 – 17 Ugushyingo 2026
• Umunsi wa 5 & 6: 22 – 30 Werurwe 2027

🇷🇼 Amavubi ahagaze ate?

Amavubi na yo iri mu makipe 48 azahatanira itike. Tombola izagena uko amatsinda azaba ateganyijwe ku wa 19 Gicurasi 2026.

Ibi bituma abafana b’umupira mu Rwanda batangira kugira amatsiko ku mahirwe y’ikipe yabo yo kongera kwitabira iri rushanwa rikomeye.

 Ibyihariye kuri CAN 2027

•  Umukino ufungura uzaba ku wa 19 Kamena 2027
•  Umukino wa nyuma uzaba ku wa 17 Nyakanga 2027
•  Abasaga miliyoni 400 bitezwe kuzareba iri rushanwa

Ni ku nshuro ya mbere CAN igiye kongera kubera muri Afurika y’Iburasirazuba kuva mu 1976.

 Icyo bivuze ku karere

Kwakira iri rushanwa ku bihugu bitatu ni amahirwe akomeye:

• Kuzamura ubukerarugendo n’ubukungu
• Guteza imbere siporo mu karere
• Kwereka isi ubushobozi bwa Afurika y’Iburasirazuba

  Miss Dusa, mushiki wa Gentil Misigaro, yambitswe impeta n’umusore bitegura kurushinga