Uruganda rw'imodoka i Kigali: Perezida Kagame yakiriye abayobozi ba Chery Holding bifuza guteranyiriza imodoka z'amashanyarazi mu Rwanda

Kuri uyu wa 23 Mata 2026, Perezida wa Repubulika y’u Rwanda, Paul Kagame, yakiye  Xu Hui, uyobora Sosiyete y’Ishoramari ya Rich Resource International Investments akaba na Visi Perezida wa Chery Holding Group yo mu Bushinwa.

Guteranya imodoka mu Rwanda: Intego nyamukuru 

Ibiganiro byabereye mu Village Urugwiro byibanze ku mahirwe yo gushora imari mu gushinga uruganda ruteranya imodoka zikoresha amashanyarazi (EVs). Ibi bijyanye n’icyerekezo cy’u Rwanda cyo kugabanya imyuka ihumanya ikirere n’ubwizigame mu gukoresha ibikomoka kuri lisansi bikomeje guhenda ku isoko ry'isi.

Chery Holding: Igihangange mu ruganda rw’imodoka 

Uru ruganda rwo mu Bushinwa ni rumwe mu zikomeye ku isi. Imibare yo mu kwezi gushize (Werurwe 2026) yerekana ko rwacuruje imodoka 240,678, bingana n’ukwiyongera kwa 12,1%. Chery izwiho gukora ubwoko bw’imodoka zigezweho nka EXEED n’iza iCAR zikundwa n’urubyiruko.

U Rwanda ku isonga muri Afurika 

U Rwanda ruri ku mwanya wa gatandatu muri Afurika mu kugira imodoka nyinshi zikoresha amashanyarazi. Leta yashyizeho uburyo bwo korohereza abashoramari binyuze mu:

• Gukuraho umusoro ku nyongeragaciro (VAT) ku modoka n'ibice byazo.

• Gukuraho imisoro kuri batiri n'ibikoresho byongera umuriro.

• Kugura bisi 300 nshya zikoreshwa mu Mujyi wa Kigali, harimo n’izikoresha amashanyarazi.

Ese urabona ishingwa ry’uru ruganda i Kigali rizatuma imodoka zikoresha amashanyarazi zihenduka ku buryo buri Munyarwanda wese yabasha kuzitunga?

 Ubuhemu mu Itorero: Bishop Harerimana Jean Bosco akatiwe n'Urukiko nyuma yo kugurisha imodoka n’ibibanza by’umuyoboke we