UMUVUNDO KURI SITASIYO: Abanyarwanda babyiganiye kugura ibitoro mbere y’uko isaha ya saa kumi n’ebyiri igera

Ni ijoro ridasanzwe mu Mujyi wa Kigali, aho sitasiyo hafi ya zose zicuruza ibikomoka kuri peteroli zagiyeho imirongo miremire y’imodoka na moto, abantu bagerageza gufata litiro za nyuma ku giciro kiri hasi mbere y’uko itariki igera.

Nk’uko Urwego Ngenzuramikorere (RURA) rwabitangaje, guhera kuri uyu wa Mbere tariki ya 6 Mata 2026, ibiciro bishya biratangira gukoreshwa aho:

• Lisansi (Petrol): Igiciro kirava kuri 1,989 Frw kigera kuri 2,303 Frw (Inyongera ya 314 Frw).

• Mazutu (Diesel): Igiciro kirava kuri 1,948 Frw kigera kuri 2,205 Frw (Inyongera ya 257 Frw).

Ubucucike n'akanyamuneza gake kuri Sitasiyo

Mu bice bitandukanye bya Kigali nka Remera, Nyabugogo, na Gikondo, imirongo y’ibinyabiziga yageze mu muhanda rwagati. Abenshi mu bashoferi n'abamotari bavuga ko batanejejwe  n'iri zamuka ry'amafaranga arenga 300 kuri litiro imwe, bavuga ko baje kugura ibishoboka kugira ngo batangire icyumweru bafite ibitoro bidahenze cyane.

Impamvu y’iri zamuka

Nk’uko Minisitiri w’Ubucuruzi n’Inganda, Prudence Sebahizi, yabisobanuye, iri zamuka riterwa n'ihungabana ry'ubukungu mpuzamahanga ryatewe n'intambara yo mu Burasirazuba bwo Hagati imaze iminsi 34. N'ubwo Leta yagerageze kugabanya uburemere bw'iri zamuka, ingaruka ntizashoboye kwirindwa burundu.

Inama ku banyabiziga

RURA yagiriye inama Abaturarwanda:

1. Kutagira ubwoba (Panic buying) kuko ibitoro bihari bihagije.

2. Guteganya ingendo neza no gukoresha imodoka rusange (Bus) aho bishoboka.

3. Kwirinda ingendo zitari ngombwa mu rwego rwo kuzigama.

Soma: 

Umuryango w’Abibumbye ugiye gutorera kurinda umutekano w’inzira ya Hormuz