Imana irinde u Burundi!" Perezida Ndayishimiye yatanze ubutumwa bukomeye nyuma y’iturika rya Musaga

 

Umutekano muke mu Mujyi wa Huye ukomeje gufata indi ntera, nyuma y’aho itsinda ry’abajura bagera ku 10 bitwaje imihoro n’ibibando bateye abaturage mu duce twa Matyazo na Rukira, bagasiga bakomerekeje abantu benshi ndetse bakanica amatungo.

Ibi bikorwa by’urugomo ndengakamere byabaye mu ijoro ryo ku wa 30 Werurwe 2026, guhera mu ma saa saba z'ijoro, aho aba bajura binjiye mu mirenge itandukanye basahura amaduka banatema uwo bahuye na we wese.

Uko igitero cyagenze: Kuva Matyazo kugera Rukira

Aba bagizi ba nabi batangiriye mu Kagali ka Matyazo, aho batemye umukozi w'Umurenge wa Karama bahuriye mu muhanda. Nyuma yo gukomeretsa uyu mukozi, bambutse berekeza mu Kagali ka Rukira mu Murenge wa Huye, ari naho bakoreye ibikorwa by'agashinyaguro kurushaho.

Umucuruzi witwa Emmanuel wo mu Mudugudu w'Agacyamo yavuze ko aba bajura bagerageje kumena urugi rwe bagera nko ku 10. Kugira ngo aticwa, yagiye abajugunyira ibicuruzwa binyuze mu kirahure bari bamaze kumena.

Inkeragutabara mu kaga: Abajura bagose irondo

Igitangaje muri iki gitero, ni uburyo aba bajura batatinye inzego z'umutekano z'ibanze. Ubwo abanyerondo bo mu Mudugudu w'Agasharu bageragezaga kubatabara, abajura babagose ari benshi bababwira ko bagiye kubica niba batabavira mu nzira.

Umwe mu banyerondo yagize ati: "Twageze hepfo tubona abandi 6 baduturutse inyuma baratugota, batubwira ngo nimuhindukire tubice. Twahise tunyanyagira dukwira imishwaro."

Nyuma yo gutatanya irondo, aba bajura bakomeje mu gace k'i Gitwa, aho batemye umugabo witwa Ndagije ndetse banica ingurube ye.

Polisi yagize icyo ivuga kuri ubu bugizi ba nabi

Umuvugizi wa Polisi mu Ntara y’Amajyepfo, CIP Kamanzi Hassan, yemeje ko iri tsinda ry’abasore ryari ryanyoye n’ibiyobwabwenge. Yatangaje ko babiri muri bo bamaze gufatwa, ndetse n’abandi bose imyirondoro yabo yamenyekanye.

CIP Kamanzi yatanze gasopo ikomeye agira ati: "Udashaka kuba umufatanyabikorwa wa Polisi abireke, ariko uzabireka azaba umukiliya wa Polisi."

Polisi yasabye abaturage gukaza amarondo, cyanecyane aho adasanzwe ari, bakajya basimburana mu rwego rwo kwicungira umutekano w'ingo n'ibyabo.

Umwanzuro

Abakomeretse muri ibi bitero bagiriwe inama yo gutanga ibirego kuri RIB, mu gihe iperereza rigikomeje ngo n'abandi bagize uruhare muri ubu bujura bafatwe baryozwe ibyo bakoze.

Ibindi wasoma: 

Imana irinde u Burundi!" Perezida Ndayishimiye yatanze ubutumwa bukomeye nyuma y’iturika rya Musaga