U Rwanda na Botswana mu masezerano akomeye: Ese ishoramari rya Diyama n'Inkingo rishobora guhindura ubukungu bw'ibihugu byombi?

Mu cyumweru gitaha, amaso y’abashoramari n’abakurikiranira hafi politiki yo muri Afurika y’Amajyepfo azaba ari mu mujyi wa Gaborone. Perezida Paul Kagame aritegura kugirira uruzinduko rw’akazi muri Botswana ku butumire bwa mugenzi we, Duma Gideon Boko, tariki ya 6 n’iya 7 Gicurasi 2026.

Uru ruzinduko si urwo gusura gusa, kuko rufite umwihariko w’ishoramari rikomeye rigamije kuzamura imibereho y’abaturage b’ibihugu byombi.

Kuki Botswana ari umufatanyabikorwa w’ingenzi ku Rwanda?

Botswana izwiho kuba igihugu cyateye imbere cyane mu micungire n’utunganywa ry’amabuye y’agaciro, cyane cyane Diyama. Biteganyijwe ko Perezida Kagame azasura ikigo cya DTCB (Botswana Diamond Trading Company), ibyerekana ko u Rwanda ruzigira byinshi ku buryo bwo kongerera agaciro amabuye y’agaciro mbere yo kuyagurisha.

Ibyitezwe muri uru ruzinduko:

• Inkingo z’amatungo: Botswana ifite ubunararibonye mu gukora inkingo, ibi bikaba bije mu gihe u Rwanda ruri gushyira imbaraga mu bworozi bw’ kijyambere.

• Gukuraho gusoresha kabiri: Hazasinywa amasezerano azatuma umucuruzi w’Umunyarwanda ukorera muri Botswana cyangwa uwa Botswana ukorera mu Rwanda adasoreshwa inshuro ebyiri, bityo inyungu ikiyongera.

• Ikoranabuhanga n'Ubukerarugendo: Ibihugu byombi bishaka guhuza imbaraga mu bucuruzi bukoresha ikoranabuhanga (e-commerce) hagamijwe koroshya urujya n’uruza rw’ibicuruzwa.

Ingaruka ku bukungu bw’u Rwanda: 

Kuba uru ruzinduko ruherekejwe n’inama y’abashoramari (Business Forum) tariki ya 5 Gicurasi, bivuze ko imiryango ifungutse ku bacuruzi b’Abanyarwanda bashaka kwagura ibikorwa byabo muri Afurika y’Amajyepfo. 

Ni intambwe ikomeye mu gushimangira ko Afurika yishakamo ibisubizo binyuze mu bufatanye bw’ubukungu.

Ese wowe ubona ari mu ruhe rwego rundi u Rwanda n’ibihugu byo muri Afurika y’Amajyepfo byakomeza gufatanyamo kugira ngo ubucuruzi bwacu bwaguke? Tanga igitekerezo cyawe maze tugirane ikiganiro.

  Kenya: Sabastian Sawe yashimiwe na Perezida Ruto nyuma yo kwiruka Marathon munsi y’amasaha abiri