Nyuma yo gutangazwa n'u Rwanda: IShowSpeed agiye kuzenguruka ibihugu 15 byo muri Caraïbes

 

Umunyabirori ku mbuga nkoranyambaga n’umunyamashusho (YouTuber) w’icyatwa, IShowSpeed, yatangaje umushinga mushya w’ingendo agiye gukora mu birwa 15 byo mu Nyanja ya Caraïbes (Caribbean), nyuma y’igihe gito asuye umugabane wa Afurika, aho yashimagije u Rwanda by’umwihariko.

Urugendo rw’ibirwa 15 na murumuna we 

Uyu musore w’imyaka 21, izina rye rya nyaryo akaba ari Darren Jason Watkins Jr, azatangira uru rugendo ku wa 25 Mata 2026. Icyakora kuri iyi nshuro ntabwo azaba ari wenyine, kuko azajya agendana na murumuna we, Jamal.

Biteganyijwe ko azaherera mu gihugu cya Antigua & Barbuda, akazakomeza mu bindi bihugu nka Jamaica, Bahamas, na Puerto Rico, asoreze muri United States Virgin Islands mu birori bikomeye bya ‘St. Thomas Carnival’ bizaba hagati ya Mata na Gicurasi.

U Rwanda rwaje ku isonga mu bitabo bye 

Mu ngendo zose IShowSpeed yakoze muri Afurika, u Rwanda rwasize amateka adasanzwe. Amashusho (Live streams) yahafatiye asura Umujyi wa Kigali na Pariki y’Ibirunga, niyo yarebwe cyane kurusha ayo yafatiye mu bindi bihugu byose bya Afurika yasuye. Speed yeretse abamukurikira barenga miliyoni 25 kuri YouTube ko u Rwanda ari "ahantu heza cyane ho gusura" (Top destination).

Ese ubona kwamamaza u Rwanda binyuze mu bantu bafite ababakurikirana benshi nka IShowSpeed ari bwo buryo bwiza bwo guteza imbere ubukerarugendo kurusha uburyo busanzwe?

 Amahirwe ku Mpano: Minisiteri y’Urubyiruko n’Ubuhanzi yijeje ubufatanye abategura ‘Rubavu Music Awards’