Ibyumweru 6 bya mbere nyuma yo kubyara: Dore ibyo OMS isaba abagore kwitondera ngo barinde ubuzima bwabo

Kubyara ni ibyishimo bikomeye, ariko ni n'igihe umubiri w'umugore uba ukeneye kwitabwaho mu buryo bw’umwihariko. Ishami ry’Umuryango w’Abibumbye ryita ku Buzima (OMS) rishishikariza abagore uburyo bwo kwitwararika mu byumweru bitandatu (6) bya mbere nyuma yo kubyara, mu rwego rwo gukumira indwara n’ibindi bibazo byibasira ababyeyi vuba.

Kuruhuka: Umuti wa mbere wo gukira vuba 

Muri iki gihe, nyababyeyi iba iri gusubira mu mwanya wayo. OMS igaragaza ko umugore ubyaye vuba asabwa kuruhuka bihagije no kwirinda imirimo ivunanye cyangwa ikoresha imbaraga nyinshi. Ibi bifasha mu kugabanya ibyago byo kuva amaraso menshi bishobora gushyira ubuzima mu kaga.

Isuku n’isuku y’imyanya y’ibanga 

Kuba umubiri uba ugifunguye, umwanda uwo ari wo wose ushobora gutera indwara z’ubwivumbure (infections) muri nyababyeyi. Abagore barasabwa:

• Guhindura impapuro z'isuku (pads) kenshi gashoboka.

• Koza imyanya y'ibanga bakoresheje amazi meza, ariko bakirinda kwinjiza isabune mu gitsina.

• Kwirinda imyanda n’ikintu cyose cyatuma udukoko twinjira mu mubiri.

Ibiribwa n’amazi: Isoko y’imbaraga n’amashereka 

Kurya indyo yuzuye no kunywa amazi ahagije si inyungu z'umwana gusa, ahubwo ni n'iz'umubyeyi. Ibi bituma asubirana amaraso yatakaje mu gihe cyo kubyara, bigatuma akira vuba, kandi akagira amashereka ahagije kandi akungahaye ku ntungamubiri.

Ni ryari ugomba kwihutira kwa muganga? 

OMS itanga itabaza ku bimenyetso bitagomba kwirengagizwa:

• Umuriro udasanzwe cyangwa gukonja cyane.

• Kuva amaraso menshi cyangwa amaraso anuka nabi.

• Kubyimba amaguru cyangwa kubabara mu gatuza.

• Kuribwa mu nda bikabije bitandukanye n'ibimenyetso bisanzwe.

Konsa neza nabyo byagaragajwe n’ubushakashatsi nka buryo bufasha nyababyeyi kwiyegeranya vuba no kurinda umubyeyi agahinda gakabije (postpartum depression).

Ese wari uzi ko isuku n’ikiruhuko bihagije nyuma yo kubyara bishobora kurinda umubyeyi ibibazo by’ubuzima bishobora kugaragara nyuma y’igihe kirekire? Wowe cyangwa uwo uzi byabagendekeye bite muri iki gihe? Twandikire mu bitekerezo.

 Minisiteri y’Ubuzima Ikeneye Abakozi Barenga 3000 mu Butabazi bwihuse: Ese U Rwanda Rwiteguye Gute?