Amasezerano akomeje gushyirwa mu bikorwa: Amerika yongeye kohereza undi mubare w’abimukira muri RDC

 

Kuri uyu wa Gatatu, tariki ya 22 Mata 2026, itsinda rya kabiri ry’abimukira birukanwe muri Leta Zunze Ubumwe za Amerika ryageze i Kinshasa muri Repubulika Iharanira Demokarasi ya Congo (RDC).

Uko bakiriwe ku kibuga cy'indege 

Aba bimukira bageze ku Kibuga cy’Indege Mpuzamahanga cya N’djili mu gitondo, bakaba bakiriwe n’inzego zishinzwe abinjira n’abasohoka. Nk’uko amakuru dukesha 7sur7.cd abivuga, iri tsinda rya kabiri ryari rigizwe n’abantu batatu gusa, baje biyongera ku bandi 15 bagejejwe muri iki gihugu mu minsi itanu ishize.

Amasezerano ya Congo na Amerika 

Gusubizwa mu gihugu kw’aba banyekongo ku ngufu bishingiye ku masezerano Guverinoma ya Congo n’iya Amerika bagiranye mu ntangiriro z’uyu mwaka. Ku itariki ya 5 Mata, Congo yari yatangaje ko hashyizweho “gahunda yo kwakira by’agateganyo abenegihugu” birukanwe muri Amerika nyuma y’uko ibihugu byombi byumvikanye kuri ubu buryo.

Ibi bije mu gihe Amerika ikomeje gukaza amategeko n'ingamba ku bimukira binjiye muri iki gihugu mu buryo bunyuranyije n'amategeko.

Ese urabona aya masezerano yo gusubiza abantu mu bihugu byabo ku ngufu ari yo nzira ya nyayo yo gukemura ikibazo cy'abimukira muri Amerika, cyangwa hari uburyo bwakoreshwa butabangamiye uburenganzira bwa muntu?

 Inkuru y'Incamugongo i Stamford Bridge: Chelsea yirukanye umutoza Liam Rosenior nyuma y'iminsi 120 gusa!