Jennifer Lopez ati:" Ushaka urukundo rwanjye agomba kurukorera"

 

Ku myaka 56, icyamamare mu muziki no muri sinema Jennifer Lopez cyatangaje ko niba hari undi mugabo uzinjira mu buzima bwe, azaba agomba kuba umuntu umwubaha, umwakira uko ari kandi umufata neza mu rukundo. Yavuze ko urukundo rwe atari urwo guhabwa ubuntu, ahubwo ruzahabwa uzarushakira akaruharanira.

Yagize ati: “Ushaka urukundo rwanjye agomba kurukorera. Agomba kunshyira imbere, akanyubaha, akanyakira uko ndi, kandi akankunda by’ukuri.”

Jennifer Lopez azwi nk’umugore wigeze gushakana n’abagabo bane mu bihe bitandukanye, ariko izo nshingano zose ntizaramaze igihe kirekire.

Mu 1997–1998 yashakanye na Ojani Noa, hagati ya 2001 na 2003 ashakana na Cris Judd, naho kuva mu 2004 kugeza mu 2014 yari ashatse Marc Anthony, bafitanye impanga z’imyaka 17. Aheruka gutandukana na Ben Affleck, bari bashakanye mu 2022 mbere yo gutandukana mu 2024.

Uretse abo bashakanye, Jennifer Lopez yigeze no kwambikana impeta y’urukundo na Alex Rodriguez hagati ya 2017 na 2021, ndetse yanakundanye n’abandi bagabo barimo Sean “Diddy” Combs (1999–2001), Casper Smart (2012–2016) ndetse na Drake mu gihe gito mu 2016.